fbpx
Mánudagur 30.janúar 2023
Pressan

Gates-sjóðurinn gefur 7 milljarða dollara til Afríku

Kristján Kristjánsson
Sunnudaginn 27. nóvember 2022 08:30

Bill og Melinda Gates stofnuðu sjóðinn. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Góðgerðarsjóðurinn Bill & Melinda Gates Foundation tilkynnti nýlega að hann muni gefa 7 milljarða dollara til Afríku á næstu fjórum árum. Bill Gates varaði um leið við því að vegna stríðsins í Úkraínu hafi dregið úr stuðningi við Afríku.

Þeir sjö milljarðar, sem tilkynnt var um, bætast við háar fjárhæðir sem sjóðurinn hefur gefið til verkefna í Afríku á síðustu árum. Peningunum verður varið til þess að takast á við hungur, sjúkdóma, fátækt og kynjamisrétti. Hæstu fjárhæðirnar fara til Nígeríu sem er fjölmennasta ríki álfunnar.

Hjálparsamtök í Afríku standa nú frammi fyrir minni fjárstuðningi vegna stríðsins í Úkraínu því peningum hefur verið beint þangað í staðinn. Auk þess hefur innrás Rússa í Úkraínu haft þau áhrif að matvælaverð hefur hækkað sem hefur haft áhrif á starfsemi hjálparsamtaka.

Bill Gates sagði að áhrifa stríðsins í Úkraínu gæti mjög í Evrópu og því séu framlög til hjálparstarfa ekki á uppleið.

Miklir þurrkar hafa herjað á Kenía og stóran hluta Austur-Afríku að undanförnu og eru þetta verstu þurrkarnir í fjóra áratugi. Þurrkarnir og heimsfaraldur kórónuveirunnar hafa ýtt rúmlega 10 milljónum íbúa á svæðinu „út á brún hungursneyðar“ segja hin kristilegu World Vision hjálparsamtök.

CNN segir að Sameinuðu þjóðirnar reikni með að hungursneyð verði lýst yfir í hlutum Sómalíu fyrir áramót.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Stjörnur hverfa hraðar en við héldum

Stjörnur hverfa hraðar en við héldum
Pressan
Í gær

Notaði ranga teskeið til að hræra í tebollanum – Það varð henni að bana

Notaði ranga teskeið til að hræra í tebollanum – Það varð henni að bana
Pressan
Í gær

Else áttaði sig ekki á verðmæti bókarinnar sem var í stofuhillunni hennar

Else áttaði sig ekki á verðmæti bókarinnar sem var í stofuhillunni hennar
Pressan
Í gær

Sáu kúk utan úr geimnum og fundu þannig mörgæsanýlendu

Sáu kúk utan úr geimnum og fundu þannig mörgæsanýlendu