BBC skýrir frá þessu og birtir upptöku af þessu.
Umræðuþáttur var í sjónvarpssal þegar aðili, með hvíta grímu, birtist á skjánum og síðan mynd af Ali Khamenei með skotskífu á höfðinu. Einnig birtust myndir af þremur konum sem hafa látist í mótmælum í landinu að undanförnu.
Með þessu fylgdi texti þar sem stóð meðal annars: „Gakktu til liðs við okkur og vöknum“ og „ungt blóð okkar drýpur af hrömmum þínum“.
Hópurinn sem stóð á bak við þetta kallar sig Réttlæti Alis.
Mikil mótmæli hafa verið í Íran síðustu vikur í kjölfar þess að Jina Mahsa Amini, 22 ára, lést þann 16. september þegar hún var í haldi siðgæðislögreglunnar.
