fbpx
Mánudagur 23.maí 2022
Pressan

Nýr samningur Bandaríkjanna og Noregs getur aukið spennuna á Norðurslóðum

Kristján Kristjánsson
Sunnudaginn 23. maí 2021 08:00

Bandarískir hermenn á æfingu. Mynd:U.S. Army

Ekki missa af Helstu tíðindum dagsins í pósthólfið þitt

Lesa nánar

Nýr samningur á milli Bandaríkjanna og Noregs um hernaðarsamstarf getur aukið spennuna á Norðurslóðum enn frekar og er hún þó næg fyrir að margra mati. Samkvæmt samningnum fá Bandaríkin sérstaklega góða fótfestu í Noregi því bandarískir hermenn mega koma til Noregs með sinn eiginn útbúnað og nota herstöðvar þar í landi. Norðmenn eiga ekki rétt á að fá að vita hvað útbúnað þeir taka með hverju sinni.

Bandarískir hermenn fá ótakmarkaðan aðgang að Noregi og geta því komið og farið eins og þeim hentar. Bandaríkin fá einnig lögsögu yfir hermönnum sínum hvað varðar afbrot, einnig ef þau eru framin utan herstöðva og í frítíma hermannanna. Aftenposten skýrir frá þessu. Þetta þýðir nánast að Bandaríkjaher geti starfað í Noregi eins og hann væri í Bandaríkjunum sjálfum. En það fylgir þessu auðvitað stórt „EF“. Það er að Bandaríkjamenn verða að virða það að þeir eru á norskri grund og þeir verða að fara eftir norskum lögum. Þeir mega því ekki flytja kjarnorkuvopn til Noregs, jarðsprengjur né klasasprengjur. Norsk yfirvöld verða einnig að samþykkja það sem Bandaríkjamenn hyggjast taka sér fyrir hendur í landinu.

Ávinningur Norðmanna af þessu er að þeir telja samningin mikilvægan fyrir „Noreg, norskt öryggi og norska hagsmuni“. Hann snýst í raun og veru um vernd sem Norðmenn telja sig hafa þörf fyrir nú þegar spennan á milli Vesturlanda og Rússlands er mikil og vegna aukinna hernaðarumsvifa Rússa. Með því að hafa bandaríska hermenn í Noregi verður fyrr hægt að koma Norðmönnum til aðstoðar ef til átaka kemur og einnig verður „minna freistandi“ að áreita Norðmenn.

Á hinn bóginn getur samningurinn aukið spennuna á Norðurslóðum og ýtt undir stigmögnun hennar að mati sumra sérfræðinga.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Airbnb er komið með „OMG“ síu – Þetta eru geggjuðustu húsin sem eru til leigu – Myndir

Airbnb er komið með „OMG“ síu – Þetta eru geggjuðustu húsin sem eru til leigu – Myndir
Pressan
Fyrir 2 dögum

Vinur Pútíns montar sig við ung börn – „Hérna sjáiði tilraunaskot flauganna okkar“

Vinur Pútíns montar sig við ung börn – „Hérna sjáiði tilraunaskot flauganna okkar“
Pressan
Fyrir 2 dögum

Þetta eru helstu einkenni apabólu

Þetta eru helstu einkenni apabólu
Pressan
Fyrir 2 dögum

Elon Musk sagður hafa berað sig fyrir framan flugfreyju

Elon Musk sagður hafa berað sig fyrir framan flugfreyju