„Ef þú ert með á þessum fundi þá ert þú hluti af óheppnum hóp sem er hér með rekinn,“ sagði hann og hafði ekki mikið meira að segja annað en að færa fram smá útskýringar fyrir uppsögnunum.
Málið hefur vakið mikla athygli og verið mikið rætt á samfélagsmiðlum og víðar síðustu daga en mörgum þykir aðferðin, sem Garg beitti, skammarleg og ónærgætinn og þá ekki síst í aðdraganda jóla. BBC segir í umfjöllun sinni að meðal annars hafi aðferð Gard verið sögð „hræðileg“, „köld“ og „hrottaleg“.
Upptaka af fundinum hefur verið birt á YouTube en hana er hægt að sjá hér fyrir neðan.
„Þegar ég gerði þetta síðast, grét ég. Ég vildi óska að fréttirnar væru aðrar. Ég vildi óska að fyrirtækið blómstraði,“ sagði Garg meðal annars á fundinum. Hann sagði einnig að ástæðurnar fyrir uppsögnunum séu frammistaða starfsmanna (væntanlega skortur á góðri frammistöðu), framleiðni og breytingar á markaði. Þessir 900 starfsmenn eru um 15% af heildarstarfsmannafjölda fyrirtækisins.
BBC segir að í síðustu viku hafi fyrirtækið fengið 750 milljóna dollara frá fjárfestum.
Tímaritið Fortune segir að eftir fundinn hafi Garg ráðist að starfsmönnunum, sem hann rak, í fjölda bloggfærslna sem hann skrifaði án þess að setja nafn sitt við þær. Hann sakaði marga um að hafa stolið frá fyrirtækinu og viðskiptavinum með því að skila ekki nema tveggja klukkustunda vinnu daglega.
Stjórnunarstíll hans var harðlega gagnrýndur á síðasta ári eftir að Forbes birti tölvupóst sem Garg hafði sent starfsfólkinu en í honum stóð meðal annars: „Þið vinnið svo helvíti hægt. Þið eruð hópur heimskra höfrunga. Hættið þessu. Hættið þessu. Hættið þessu strax. Ég skammast mín fyrir ykkur.
Markmið Better.com, eftir því sem segir á heimasíðu fyrirtækisins, er að gera fasteignakaup „auðveldari og skilvirkari“ en fyrirtækið er metið á um 6 milljarða dollar.
Í kjölfar frétta af málinu hafa fjölmiðlar kafað ofan í fortíð Garg og komist að því að hann á sér langa sögu um slæma framkomu við starfsfólk sitt og hafi tengst fjölda fjársvika mála á ferli sínum.