fbpx
Laugardagur 22.janúar 2022
Pressan

Pabbinn fór í búð á Svörtum föstudegi og keypti byssu handa syninum – Það var örlagaríkt

Kristján Kristjánsson
Föstudaginn 3. desember 2021 06:05

Frá vettvangi á þriðjudaginn. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Svartur föstudagur er einn af stærstu dögum ársins í Bandaríkjunum í neysluæði landsmanna enda ótrúlegar útsölur í flestum verslunum og sannkallað kaupæði rennur á landsmenn. Síðasta föstudag var einmitt svartur föstudagur og þá fór faðir 15 ára pilts, sem býr í Oxford norðan við Detroit í Michigan, í skotvopnaverslun og keypti hálfsjálfvirka skammbyssu, á útsölu, sem hann gaf piltinum.

Þetta reyndist sannkölluð dauðagjöf því nú eru fjórir látnir. Pilturinn fór í skólann sinn í Oxford og skaut fjóra til bana og særði nokkra. Áður en hann lét til skara skríða varaði hann við yfirvofandi árás í skilaboðum á Snapchat.

Það var á þriðjudaginn sem pilturinn lét til skara skríða í menntaskólanum sínum. Hann skaut tvær stúlkur, 14 og 17 ára, til bana í skólanum sem og 16 ára pilt sem lést í lögreglubíl á leið á sjúkrahús. 17 ára piltur lést síðan á miðvikudagskvöldið af völdum sára sinna.

Vitni segja að pilturinn hafi komið út af salerni í skólabyggingunni með byssuna í höndunum. Hann byrjaði síðan að skjóta á þá nemendur sem voru á ganginum.

Foreldrar hans höfðu verið á fundi með skólastjóranum fyrr um daginn vegna „hegðunar hans í kennslustundum“ segir í umfjöllun New York Post.

Lögreglan rannsakar nú hvernig byssan var geymd á heimili fjölskyldunnar og hvernig aðgangi piltsins að henni var háttað. ABC News segir að saksóknarar íhugi að ákæra foreldrana en pilturinn hefur verið ákærður fyrir morð og hryðjuverk. Þrátt fyrir ungan aldur verður réttað yfir honum sem fullorðnum.

Lögreglan fann 30 skothylki í skólanum og 18 skot voru í byssunni þegar pilturinn var handtekinn.

New York Times hefur eftir Michael Bouchard, lögreglustjóra, að svo virðist sem „tilviljun“ hafi ráðið því hverja pilturinn skaut en augljóst sé að hann hafi haft í hyggju að drepa fólk. „Hann skaut fólk af stuttu færi, í flestum tilfellum í höfuðið og bringuna. Þetta voru kaldrifjuð morð,“ sagði hann.

Pilturinn var handtekinn nokkrum mínútum eftir að hann hleypti fyrsta skotinu af. Hann gafst mótþróalaust upp þegar lögreglumenn fundu hann. Hann hefur neitað að tjá sig í yfirheyrslum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Kolbeinn byrjaði í tapi
Pressan
Fyrir 2 dögum

Tíu prósent Dana smituðust af kórónuveirunni síðustu 4 vikur

Tíu prósent Dana smituðust af kórónuveirunni síðustu 4 vikur
Pressan
Fyrir 2 dögum

Morðmálið sem skekur Ástralíu – Lík 9 ára stúlku fannst í olíutunnu

Morðmálið sem skekur Ástralíu – Lík 9 ára stúlku fannst í olíutunnu
Pressan
Fyrir 3 dögum

Fyrrum ástkona Andrew prins – „Ég held að hún hafi notað mig sem agn“

Fyrrum ástkona Andrew prins – „Ég held að hún hafi notað mig sem agn“
Pressan
Fyrir 3 dögum

Þetta eru helstu einkenni Ómíkron hjá bólusettu fólki

Þetta eru helstu einkenni Ómíkron hjá bólusettu fólki
Pressan
Fyrir 4 dögum

Morðið á Tinderstefnumótinu – Hélt að hann hefði framið hið fullkomna morð

Morðið á Tinderstefnumótinu – Hélt að hann hefði framið hið fullkomna morð
Pressan
Fyrir 4 dögum

13 ára sonur hennar smitaðist af kórónuveirunni – Það sem hún gerði næst kom henni í mikil vandræði

13 ára sonur hennar smitaðist af kórónuveirunni – Það sem hún gerði næst kom henni í mikil vandræði
Pressan
Fyrir 4 dögum

Fyrsta lestaferðin frá Norður-Kóreu síðan heimsfaraldurinn skall á

Fyrsta lestaferðin frá Norður-Kóreu síðan heimsfaraldurinn skall á
Pressan
Fyrir 5 dögum

Tannlæknirinn var ekki allur þar sem hann var séður – Voðaverkið og lygarnar færðu honum 620 milljónir

Tannlæknirinn var ekki allur þar sem hann var séður – Voðaverkið og lygarnar færðu honum 620 milljónir
Pressan
Fyrir 5 dögum

Flugvélar sendar til að kanna tjónið á Tonga – Aska þekur eyjurnar

Flugvélar sendar til að kanna tjónið á Tonga – Aska þekur eyjurnar