Lia Thomas heitir sundkonan hraðsynda en hún er nemi við Háskólann í Pennsylvaniu. Áður en hún gekkst undir kynleiðréttingu hafði hún keppt á háskólastigi sem Will Thomas.
Á nýafstöðnu móti synti Lia 200 metra sund með frjálsri aðferð á 1:43:47 og 500 metra á 4:35:06. Um var að ræða miklar bætingar á skólametum háskóla hennar og tímar sem voru á pari við það besta sem gerist í Bandaríkjunum á háskólastigi.
Ekki liggur fyrir hvenær Thomas lagðist undir hnífinn en fram kemur í frétt að síðasti hafi hún keppt sem karlamaður í nóvember 2019. Reglurnar í bandarísku háskólasundi eru þær að keppandi þarf að vera á testesteróne bælandi lyfjum í meira en ár áður en viðkomandi getur farið að keppa sem kona á háskólamótum.
„Sundið hefur verið stór þáttur í lífi mínu og sjálfsmynd. Ég hef stundað sund frá fimm ára aldri,“ segir Thomas í viðtali við skólablað háskólans. „Það að koma út úr skápnum sem trans setti þetta allt í uppnám. Ég vissi ekki hvort ég gæti haldið áfram að synda og hvernig það myndi líta út. Sem betur fer hefur þetta ferli ekki haft áhrif á getu mína til þess að stunda íþróttina og það er mjög gefandi að geta haldið áfram.“
Lia Thomas hefur valdið fjaðrafoki í háskólasundi í Bandaríkjunum
Árangur Thomas hefur vakið upp talsvert umtal hvort að það sé sanngjarnt að einstaklingar sem fæðist sem karlmenn megi keppa sem konur eftir kynleiðréttingu.