fbpx
Föstudagur 27.maí 2022
Pressan

Fimmtíu gestir festust inni í krá heila helgi með Oasis-ábreiðuhljómsveit

pressan
Mánudaginn 29. nóvember 2021 17:00

Gestirnir á Tan Hill voru ánægðir með helgina

Ekki missa af Helstu tíðindum dagsins í pósthólfið þitt

Lesa nánar

Um fimmtíu gestir kráar í Bretlandi lokuðust inni á öldurhúsinu alla helgina vegna mikillar snjókomu sem setti allt úr skorðum. Gestir kráarinnar mættu á föstudagskvöldi til að hlýða á ljúfa tóna hljómsveitarinnar Noasis  sem, eins og nafnið gefur til kynna, spilar ábreiður af Oasis-lögum.

Á meðan tónleikunum stóð hófst gríðarleg ofankoma og urðu afleiðingarnar þær að tónleikagestirnir festust í kránni og eru þar enn. Kráin sem breyttist í einskonar dýflissu heitir Tan Hill Inn í Yorkshire Dales í norðurhluta Englands. Kráin stærir sig af því að vera „hæsta krá Bretlands yfir sjávarmáli“ – alls 530 metrum – sem skýrir kannski afhverju fannfergið varð svona yfirgengilegt.

Það er hins vegar margt verra en að festast inn á krá, fullri af mat og drykk, tja nema að þú þolir ekki Oasis. Gestirnir gerðu vel við sig í veitingum og Noasis-liðar skemmtu þeim með ljúfum tónum. Á myndum um helgina má sjá gestina spila pub quiz, úða í sig dýrindis mat, syngja í karókí og dansa. Þá er grínast með það að Noasis-liðar ætli að taka upp nafnið Snow-asis.

Kráargestir höfðu það notalegt

Þrátt fyrir að „fangarnir“ hafi þurft að gera sér að góðu að sofa á gólfinu þessa daga þá virðist hafa farið vel um þá. Samkvæmt umfjöllun VICE hafa einhverjir gestir haft orð á því að þeir vildu alls ekkert fara heim. Þá höfðu margir orð á því að afar góður andi hafi verið meðal kráargesta þessa einkennilegu daga og að vinátta hefði myndast til lífsstíðar milli sumra þeirra.

Þröngt var á þingi varðandi svefnpláss

Alls festust meira en sextíu einstaklingar inni á kránni en einhverjum tókst að forða sér á vel útbúnum bílum auk þess sem björgunarsveitir sóttu einn einstaklinga sem þurfti að komast undir læknishendur. Alls eru það því 50 gestir sem að hafa haldið til á kránni alla helgina. Loks um tvöleytið í dag fengu gestirnir svo frelsi sitt að nýju samkvæmt Facebook-síðu Tan Hill Inn.

Hér má sjá myndband af ástandinu utandyra hjá Tan Hill Inn

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Bandaríkin ætla að styrkja sig á Grænlandi – Ætla að setja pening í Thulestöðina

Bandaríkin ætla að styrkja sig á Grænlandi – Ætla að setja pening í Thulestöðina
Pressan
Fyrir 3 dögum

Hakkararnir lýsa yfir öðru stríði

Hakkararnir lýsa yfir öðru stríði
Pressan
Fyrir 4 dögum

Grátt hár getur fengið fyrri lit aftur

Grátt hár getur fengið fyrri lit aftur
Pressan
Fyrir 4 dögum

Bandaríkjamenn ætla sér að komast til botns í hvaðan fljúgandi furðuhlutir eru

Bandaríkjamenn ætla sér að komast til botns í hvaðan fljúgandi furðuhlutir eru
Pressan
Fyrir 5 dögum

Eyðilagði hjónaband foreldra sinna – „Ég smitaði pabba af herpes“

Eyðilagði hjónaband foreldra sinna – „Ég smitaði pabba af herpes“
Pressan
Fyrir 5 dögum

Höfða mál á hendur syni sínum af því að hann hefur ekki eignast börn

Höfða mál á hendur syni sínum af því að hann hefur ekki eignast börn