Kennsl hafa verið borin á lík manns sem fannst í skóglendi hjá smábænum Blomberg, sem er í sambandsríkinu Nordrhein-Westfalen, vestarlega í Þýskalandi, í desember 2020.
Líkið fannst sunnudaginn 13. desember og í fyrstu var ekki vitað af hverjum það væri. Núna segir lögreglan í Bielefeld, stórborgar í nálægð við svæðið, að um sé að ræða 42 ára gamlan mann sem eigi lögheimili í öðru landi.
Krufning leiddi í ljós að maðurinn var myrtur. Eftir að kennsl voru borin á manninn hefur lögreglan rannsakað ýmsa hluti sem gætu tengst málinu. Enginn liggur þó enn undir sterkum grun um að hafa framið morðið.
Ónefnd manneskja á gönguferð rakst á líkið sunnudaginn 13. desember. Það var í um fjögurra kílómetra fjarlægð frá húsi skógarvarðar á svæðinu.
