Þriðjudagur 02.mars 2021
Pressan

Fara aðra leið en aðrir í bólusetningum við kórónuveirunni – Þykir mjög spennandi

Kristján Kristjánsson
Miðvikudaginn 13. janúar 2021 06:59

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Í Indónesíu, sem er fjórða fjölmennasta ríki heims, hafa yfirvöld ákveðið að fara aðra leið en önnur ríki þegar kemur að bólusetningu við kórónuveirunni. Margir fylgjast náið með hvaða áhrif þetta mun hafa enda um gjörólíka leið að ræða en við þekkjum hér á landi og í öðrum löndum.

270 milljón íbúum landsins verður boðin bólusetning en það er fólk á aldrinum 18 til 59 ára sem verður í forgangi auk heilbrigðisstarfsfólks. Þetta er sá aldurshópur sem er virkastur á vinnumarkaðnum og vonast stjórnvöld til að með þessu verði hægt að koma hjólum efnahagslífsins aftur á fullan snúning en auk þess er þjóðin frekar ung en meðalaldurinn er 28,4 ár og því eru mun færri aldraðir, hlutfallslega, sem þarf að taka tillit til en til dæmis í Evrópu. Það er kínverska bóluefnið SinoVac sem er notað í Indónesíu en bólusetningar eru hafnar. Samkvæmt fréttum síðustu daga þá veitir þetta bóluefni um 50% vörn en til samanburðar má nefna að bóluefnin frá Pfizer/BioNTech og Moderna veita um 94% vörn.

Mikill samdráttur hefur orðið í efnahagslífi landsins vegna heimsfaraldursins og því vilja stjórnvöld reyna að koma því í gang. Smitum hefur fjölgað mikið að undanförnu, sérstaklega í stóru borgunum. En að baki ákvörðuninni um að láta yngra fólk vera í forgangi getur einnig búið sú staðreynd að ekki er vitað hversu góða vörn SinoVac veitir eldra fólki.

Peter Collignon, prófessor við Australian National háskólann, sagði í samtali við Reuters að þessi aðferð sé mjög áhugaverð og spennandi og að vel verði fylgst með henni. „Það eru miklar líkur á að þessi aðferð dragi úr smiti í samfélaginu. Það er þó ekki víst að hún muni draga úr dauðsföllum. En þetta er mikilvægt fyrir okkur hin því þetta veitir innsýn hvort hægt sé að ná árangri með öðrum aðferðum en þeim sem við hin höfum valið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Staðhæfingar um kosningasvindl geta reynst koddakónginum dýrar

Staðhæfingar um kosningasvindl geta reynst koddakónginum dýrar
Pressan
Fyrir 2 dögum

Fleiri milljónamæringar í Lundúnum en New York

Fleiri milljónamæringar í Lundúnum en New York
Pressan
Fyrir 3 dögum

Pólskipti segulpólanna gætu hafa gert út af við Neanderdalsmenn

Pólskipti segulpólanna gætu hafa gert út af við Neanderdalsmenn
Pressan
Fyrir 3 dögum

Segja að bréf sýni að FBI og lögreglan í New York hafi komið að morðinu á Malcolm X

Segja að bréf sýni að FBI og lögreglan í New York hafi komið að morðinu á Malcolm X
Pressan
Fyrir 4 dögum

Sjáðu myndbandið: Sleppti börnunum fram af þriðju hæð

Sjáðu myndbandið: Sleppti börnunum fram af þriðju hæð
Pressan
Fyrir 4 dögum

Finnar grípa til harðra sóttvarnaaðgerða

Finnar grípa til harðra sóttvarnaaðgerða
Pressan
Fyrir 4 dögum

Dularfullt morð í Bethlehem

Dularfullt morð í Bethlehem
Pressan
Fyrir 4 dögum

Sýrlendingur sakfelldur af þýskum dómstól fyrir stríðsglæpi í Sýrlandi

Sýrlendingur sakfelldur af þýskum dómstól fyrir stríðsglæpi í Sýrlandi