fbpx
Miðvikudagur 30.september 2020
Pressan

Óttast mikla þurrka í Evrópu í sumar

Kristján Kristjánsson
Fimmtudaginn 25. júní 2020 07:00

Þurrkar ógna uppskeru.

Ekki missa af Helstu tíðindum dagsins í pósthólfið þitt

Lesa nánar

Vorið hefur verið ansi þurrt, sérstaklega í Austur- og Mið-Evrópu og þar hafa margir miklar áhyggjur af að þurrkasumar sé í uppsiglingu, eitthvað í líkingu við þurrkana 2018 og 2019. Þetta yrði því þriðja þurrkasumarið í röð á þessum slóðum. Ástandið er skárra í norðanverðri álfunni en samt ekki eins og það ætti að vera. Þar var sumarið 2018 mjög þurrt en síðasta sumar var skárra.

Óvenjulega lítil úrkoma hefur verið í sumar og hitamet hafa víða fallið, ekki síst í maí. Þetta vekur sérstaklega miklar áhyggjur í Austur- og Mið-Evrópu þar sem bændur glíma nú þegar við mikla erfiðleika vegna heimsfaraldurs kórónuveirunnar.

Samkvæmt nýrri spá frá Copa Cogeca, sem eru samtök evrópskra bænda, þá er reiknað með að hveitiuppskeran verði 11,5% minni í ár en á síðasta ári. Samtökin segja að aðalástæðurnar fyrir þessu séu erfið ræktarskilyrði, vatnsskortur í vor og sýkingar af völdum skordýra.

GDACS, sem er samvinnuverkefni ESB og SÞ um viðvaranir vegna hamfara, segir að þurrkar hafi herjað síðan í lok febrúar á stóru svæði sem nær meðal annars yfir Frakkland, Þýskaland, Pólland, Austurríki, Tékkland, Ítalíu og Rúmeníu. Staðan er þó enn metin svo að líkurnar á alvarlegum afleiðingum séu „litlar“.

ESB hefur samt sem áður breytt spám sínum fyrir uppskeru nær allra tegunda vegna þurrkanna. Í mörgum ESB-ríkjum eru yfirvöld sérstaklega á varðbergi vegna ástandsins því auk þess að hafa áhrif á landbúnaðinn þá óttast fólk skógarelda eins og hafa geisað síðustu tvö sumur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hvítur öfgaþjóðernissinni skotinn til bana af lögreglunni

Hvítur öfgaþjóðernissinni skotinn til bana af lögreglunni
Pressan
Í gær

American Airlines tryggir sér lán upp á 5,5 milljarða dollara

American Airlines tryggir sér lán upp á 5,5 milljarða dollara
Pressan
Í gær

89 ára pizzusendill fékk óvænta sendingu – „Hvernig get ég þakkað ykkur?“

89 ára pizzusendill fékk óvænta sendingu – „Hvernig get ég þakkað ykkur?“
Pressan
Í gær

Fundu „risarottu“ í holræsinu

Fundu „risarottu“ í holræsinu
Pressan
Fyrir 2 dögum

Heimsfaraldur kórónuveirunnar hefur verið Elísabetu II dýr

Heimsfaraldur kórónuveirunnar hefur verið Elísabetu II dýr
Pressan
Fyrir 3 dögum

Íslamska ríkið í sókn í Afríku

Íslamska ríkið í sókn í Afríku
Pressan
Fyrir 4 dögum

Fyrrum þingmaður Bandaríkjaþings virðist hafa fengið heilablóðfall í beinni útsendingu

Fyrrum þingmaður Bandaríkjaþings virðist hafa fengið heilablóðfall í beinni útsendingu
Pressan
Fyrir 4 dögum

15 milljónir manna eru á flótta undan veðri, engisprettum og átökum

15 milljónir manna eru á flótta undan veðri, engisprettum og átökum