fbpx
Miðvikudagur 09.júlí 2025
433Sport

Nístandi sorg í útför Diogo Jota – Liðsfélagar úr Liverpool og landsliðinu fjölmenntu

Ritstjórn DV
Laugardaginn 5. júlí 2025 10:42

Virgil van Dijk og Andrew Robertson voru viðstaddir jarðaförina og héldu á blómaskreytingum bræðrunum til heiðurs. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Nístandi sorg ríkti í portúgalska þorpinu Gondomar nú í morgun þegar útför bræðranna Diogo Jota og Andre Silva fór fram. Bræðurnir létust í hræðilegu bílslysi á fimmtudag þegar dekk á Lamborginhi-bifreið þeirra sprakk með þeim afleiðingum að bíllinn hentist út af veginum og gjöreyðilagðist.

Diogo, 28 ára, var heimsþekktur knattspyrnumaður sem spilaði fyrir Liverpool en bróðir hans Andre, sem var 25 ára gamall, spilaði fyrir neðri deildar lið í heimalandinu.

Bræðurnir Andre Silva og Diogo Jota á góðri stund.

Auk fjölskyldu og vina bræðranna voru liðsfélagar Diogo hjá Liverpool og portúgalska landslinu áberandi við jarðaförina. Virgil Van Dijk, fyrirliði Liverpool, hélt á blómaskreytingu í líki fótboltatreyju með númeri Diogo, 20, hjá félaginu. Liðsfélagi hans, bakvörðurinn Andy Robertson, hélt á sambærilegri skreytingu sem bar númerið 30 en með það númer spilaði Andre á bakinu.

Kistur bræðranna bornar inn í kirkjuna. Mynd/Getty

Þá mátti sjá portúgalskar knattspyrnuhetjur úr öðrum liðum eins og Bruno Fernandes, liðsmann Manchester United, og Bernardo Silva, liðsmann Manchester City, við athöfnina. Talsverða athygli hefur vakið að portúgalska goðsögnin, Cristiano Ronaldo, er hvergi sjáanlegur en hann minntist Jota með hjartnæmum hætti á samfélagsmiðlum eins og fjölmargir aðrir knattspyrnumenn.

Bruno Fernandes, liðsfélagi Jota í portúgalska landsliðinu var viðstaddur útförina. Mynd/Getty

Ekkja Jota, hin 28 ára gamla Rute Cardoso, sást ganga hágrátandi inn í kirkjuna en saman átti hún og Jota þrjú ung börn. Knattspyrnufélagið Liverpool hefur ákveðið að halda áfram að greiða laun knattspyrnumannsins til fjölskyldunnar næstu tvö árin, út samningstíma Jota hjá félaginu.

Samkvæmt umfjöllun erlendra miðla voru þúsundir syrgjenda mættir til Gondomar, sem er skammt frá stórborginni Porto. Aðeins nánustu vinir og fjölskylda fengu að fara inn í kirkjuna en útförinni var síðan streymt á skjái fyrir utan kirkjuna fyrir þá sem mættu og vildu votta bræðrunum virðingu sína.

Mikill fjöldi syrgjenda safnaðist fyrir framan kirkjuna þar sem útför bræðranna fór fram. Mynd/Getty

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Banaslys á Miklubraut
433Sport
Fyrir 9 klukkutímum

Í sögulegu samhengi standast orð Þorsteins ekki skoðun – Leikmenn hafa í gegnum tíðina látið reka þjálfara

Í sögulegu samhengi standast orð Þorsteins ekki skoðun – Leikmenn hafa í gegnum tíðina látið reka þjálfara
433Sport
Fyrir 10 klukkutímum

Bað Þorstein um útskýringar á reiðikasti sínu – „Af hverju finnst þér það heimska?“

Bað Þorstein um útskýringar á reiðikasti sínu – „Af hverju finnst þér það heimska?“
433Sport
Fyrir 12 klukkutímum

Lýsir þrúgandi andrúmslofti eftir áfallið um helgina – „Hafa bara verið í sjokki“

Lýsir þrúgandi andrúmslofti eftir áfallið um helgina – „Hafa bara verið í sjokki“
433Sport
Fyrir 12 klukkutímum

United að fá óvæntan milljarð inn í bókhaldið sitt

United að fá óvæntan milljarð inn í bókhaldið sitt
433Sport
Fyrir 14 klukkutímum

Missti stjórn á skapi sínu í gærkvöldi og varð alveg kolbrjálaður – Sjáðu myndbandið

Missti stjórn á skapi sínu í gærkvöldi og varð alveg kolbrjálaður – Sjáðu myndbandið
433Sport
Í gær

Segir að Maignan hafi tekið ákvörðun sjálfur

Segir að Maignan hafi tekið ákvörðun sjálfur
433Sport
Í gær

Blikar töpuðu fyrri leiknum í Albaníu

Blikar töpuðu fyrri leiknum í Albaníu
433Sport
Í gær

Spenntur fyrir kvöldinu: Mætir goðsögninni í mikilvægum leik – ,,Sendi mér skilaboð og hvatti okkur áfram“

Spenntur fyrir kvöldinu: Mætir goðsögninni í mikilvægum leik – ,,Sendi mér skilaboð og hvatti okkur áfram“
433Sport
Í gær

Þrjú félög vilja Grealish – City búið að skella verðmiða á hann

Þrjú félög vilja Grealish – City búið að skella verðmiða á hann