Ástin á sér engin takmörk – er gjarnan sagt. En hvað ef heimsfaraldur farsóttar kemur þar við sögu? Daninn Inga Rasmussen, 85 ára og Þjóðverjinn Tüchsen Hansen, 89 ára, geta kannski svarað þeirri spurningu.
Þau kynntust fyrst fyrir tveimur árum síðan og hafa síðasta árið eytt hist á nánast hverjum degi. Þau búa þó í sitt hvoru landinu, Inga í Danmörku og Tüchsen í Þýskalandi.
Sökum COVID-19 faraldursins var landamærunum á milli landanna tveggja lokað fyrir hálfum mánuði síðan til að sporna við útbreiðslu faraldursins. En þá voru góð ráð dýr fyrir Ingu og Tüchsen.
Þau brugðu þá á það ráð að hittast dagleg á landamærunum. Þangað keyrir Inga og Tüchsen hjólar og svo sitja þau, að sjálfsögðu með tvo metra á milli sín og spjalla, og fá sér jafnvel drykk. Hann fær sér stundum snafs á meðan hún lætur sér duga að fá sér kaffisopa, enda er hún á bíl.
Þau hafa vakið mikla athygli fyrir athæfið og þykja gott dæmi um hvernig á þessum óvissutímum sé hægt að hugsa í lausnum og engu að síður virt leiðbeiningar og fyrirmæli yfirvalda.
„Auðvitað er þetta sorglegt, en við getum ekki breytt þessu,“ sagði Inga í samtali við þýska miðilinn Deutsche Welle.