fbpx
Fimmtudagur 02.apríl 2020
Pressan

Niðurlægja ungmenni – Látin drekka þvag og kyssa fætur ofbeldismannanna

Kristján Kristjánsson
Þriðjudaginn 25. febrúar 2020 05:51

Ekki missa af Helstu tíðindum dagsins í pósthólfið þitt

Lesa nánar

Að undanförnu hefur verið skýrt frá mörgum málum í Svíþjóð sem snúast um svokallaða „niðurlægingu“ og er óhætt að segja að Svíum sé brugðið vegna þessara frétta. Þessi mál snúast um að hópar ungmenna, sem eru af innflytjendaættum, niðurlægja og gera lítið úr sænskum ungmennum. Farsímum er stolið af fórnarlömbunum og peningum og þau niðurlægð og allt tekið upp á myndbönd sem er síðan dreift. Til dæmis hafa fórnarlömbin verið neydd til að drekka þvag, gleypa sígarettustubba og kyssa fætur ofbeldismannanna.

Weekendavisen hefur þetta eftir Carin Götblad, lögreglustjóra í miðhluta Svíþjóðar.

„Það hörmulega í þessu er að þetta er alls ekki neitt nýtt. Við upplifum sífellt meira af þessu, þar sem ungir piltar fara um í hópum og leita að þeim sem eru einir á ferð, niðurlægja þá, beita langvarandi ofbeldi og hótunum. Fórnarlömbin segjast vera hrædd um að deyja. Það er migið í munninn á þeim og þau eru neydd til að tyggja sígarettustubba og gleypa þá.“

Þetta gerist of í tengslum við rán en á aðeins þremur árum hefur fjöldi rána, sem beinast gegn ungmennum, þrefaldast. Á síðasta ári skráði lögreglan rúmlega 2.400 rán  hjá þessum aldurshópi.

Fyrr í mánuðinum skýrði ungur piltur Sænska ríkisútvarpinu frá því að hann hefði sætt misþyrmingum þegar hann var á leið heim úr vinnu. Árásarmennirnir migu á hann og kölluðu hann meðal annars „hóruunga“ og „helvítis Svía“. Sænska ríkisútvarpið hafði þá eftir starfsfólki félagsþjónustunnar að árásarmennirnir séu oft með grímur þegar þeir láta til skara skríða.

Anders Karlsson, lögreglufulltrúi í Gautaborg, skrifaði nýlega lesendabréf í Gautaborgarpóstinn þar sem hann sagði að „niðurlægingin“ sé oftast verk innflytjenda, eina leiðin til að leysa þennan vanda að hans mati er að draga úr straumi innflytjenda til landsins.

Mustafa Panshiri, sænsk-afganskur rithöfundur, sagði í samtali við Weekendavisen að „greinlegt sé að uppruni skipti máli“ í þessu. Hann telur að gerendurnir leiti innfædda Svía markvisst uppi af því að þeir tilheyra ekki gengjum.

„Þeir hafa ekki stórfjölskyldu eða frændur sem geta varið þá.“

Sagði hann.

Málið hefur einnig vakið pólitískan óróa og gagnrýninni hefur rignt yfir Stefan Löfven, forsætisráðherra, formann jafnaðarmanna. Hann telur að þetta tengist straumi innflytjenda ekki neitt og segir að orsökina sé að finna í þeim skattalækkunum sem fyrri ríkisstjórn borgaralegu flokkanna stóð fyrir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Ef aðeins 100.000 til 200.000 Bandaríkjamenn látast af völdum COVID-19 er það vel af sér vikið segir Trump

Ef aðeins 100.000 til 200.000 Bandaríkjamenn látast af völdum COVID-19 er það vel af sér vikið segir Trump
Pressan
Fyrir 3 dögum

Yfirvöld reyndu að hylma yfir COVID-19 smit á skíðastaðnum í Ischgl – „Ekki skýra fjölmiðlum frá þessu“

Yfirvöld reyndu að hylma yfir COVID-19 smit á skíðastaðnum í Ischgl – „Ekki skýra fjölmiðlum frá þessu“
Pressan
Fyrir 5 dögum

Flúði til Marokkó undan lögreglunni – Sér mjög eftir því

Flúði til Marokkó undan lögreglunni – Sér mjög eftir því
Pressan
Fyrir 5 dögum

Hóstaði viljandi á ferskvörur í matvöruverslun – Þurfti að henda mat fyrir 5 milljónir

Hóstaði viljandi á ferskvörur í matvöruverslun – Þurfti að henda mat fyrir 5 milljónir