„Þetta segir að við erum enn mjög klofin. Áhrif þessarar öðruvísi heimssýnar sem er fjallað um í fjölmiðlum sem þessir kjósendur nota vegur þungt,“ “ sagði Obama og átti þar við þá staðreynd að Donald Trump og stuðningsmenn hans hafa síðustu árin sífellt komið fram með rangfærslur og beinar lygar um eitt og annað en hafa ekki viljað játa að um rangfærslur og lygar sé að ræða heldur „aðra útgáfu“ af sannleikanum.
King spurði Obama hvort þetta væri áhyggjuefni. „Já. Það er mjög erfitt fyrir lýðræðið okkar að virka ef við vinnum út frá algjörlega mismunandi staðreyndum,“ sagði Obama sem hefur verið iðinn við að koma fram í viðtölum að undanförnu í tengslum við útgáfu fyrra bindis bókar hans „ A Promised Land“ sem kom út í vikunni. Um er að ræða ævisögu Obama þar sem hann skýrir frá æsku og uppvexti sínum og stjórnmálaferli. Hann fjallar einnig um rasíska stefnu Donald Trump og leiðir líkur að því að kjör hans sjálfs sem forseta 2008 hafi opnað fyrir biturleika í Repúblikanaflokknum sem hafi ýtt undir tilhneigingu flokksins til að koma í veg fyrir að fólk geti kosið, að lagafrumvörp nái fram að ganga og að þetta hafi að lokum breytt flokknum.
Obama varði þátttöku sína í kosningabaráttu Joe Biden og sagði að aðstæður hafi gert að verkum að það hafi verið réttmætt hjá honum að gagnrýna Donald Trump en hefð er fyrir því í Bandaríkjunum að fyrrum forsetar gagnrýni ekki eftirmenn sína.
