fbpx
Sunnudagur 29.nóvember 2020
Pressan

Arabaríki sniðganga franskar vörur vegna deilna um Múhameðsteikningar

Kristján Kristjánsson
Mánudaginn 26. október 2020 20:30

Arabar eru ósáttir við orð Macron og stefnu stjórnar hans.

Ekki missa af Helstu tíðindum dagsins í pósthólfið þitt

Lesa nánar

Í Arabaríkjunum færist sífellt í vöxt að fólk sé hvatt til að sniðganga franskar vörur eftir gagnrýni Emmanuel Macron, Frakklandsforseta, á hendur öfgasinnuðum múslimum og loforð hans um að verja tjáningarfrelsið sem leyfir birtingu skopmynda af spámanninum Múhameð.

Í Kúveit og Doha sniðganga margar verslanir franskar vörur og á samfélagsmiðlum hafa verið birtar myndir af fólki sem fjarlægir franska osta úr hillum verslana. Jórdanska utanríkisráðuneytið hefur gagnrýnt „áframhaldandi birtingar Frakka á skopmyndum af spámanninum Múhameð undir því yfirskyni að þær snúist um tjáningarfrelsi“.

Í Pakistan hefur hörð gagnrýni verið sett fram á Macron. Imran Khan, forsætisráðherra, sakaði Macron um „árás á Íslam“ í gær. Það gerði hann eftir að Macron gagnrýni öfgasinnaða íslamista og varði birtingu skopmynda af spámanninum Múhameð. Á Twitter sagði Khan að Macron ali á sundrungu með orðum sínum.

„Það er óheppilegt að Macron kyndi undir andúð á Íslam með því að ráðast á Íslam í stað þess að ráðast á hryðjuverkamennina sem standa á bak við ofbeldi, hvort sem það eru múslimar, hugmyndafræði nasista eða þeir sem tala fyrir yfirburðum hvíta kynstofnsins,“

Skrifaði hann.

Recep Tayyip Erdogan, forseti Tyrklands, hefur ítrekað veist að Macron að undanförnu. Á laugardaginn sagði hann að „Macron ætti að fara í geðrannsókn“. Frakkar hafa kallað sendiherra sinn heim frá Tyrklandi. Í tilkynningu frá skrifstofu Macron segir að athugasemdir Erdogan séu óásættanlegar. Reiðiköst og móðganir séu ekki rétta aðferðin.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ritzau-fréttastofan í heljargreipum tölvuþrjóta sem krefjast lausnargjalds

Ritzau-fréttastofan í heljargreipum tölvuþrjóta sem krefjast lausnargjalds
Pressan
Fyrir 3 dögum

Hún var myrt af eiginmanninum og tengdafjölskyldunni – Dómurinn vekur mikla reiði

Hún var myrt af eiginmanninum og tengdafjölskyldunni – Dómurinn vekur mikla reiði
Pressan
Fyrir 3 dögum

853 létust af völdum COVID-19 á Ítalíu í gær – Mesti fjöldi síðan í mars

853 létust af völdum COVID-19 á Ítalíu í gær – Mesti fjöldi síðan í mars
Pressan
Fyrir 4 dögum

Margir krefjast opinberrar rannsóknar á starfsháttum Trump – Þetta er svar Biden

Margir krefjast opinberrar rannsóknar á starfsháttum Trump – Þetta er svar Biden
Pressan
Fyrir 4 dögum

Kínverjar senda geimfar til tunglsins til að sækja jarðvegssýni

Kínverjar senda geimfar til tunglsins til að sækja jarðvegssýni
Pressan
Fyrir 4 dögum

Flugfélagið ætlar að krefjast þess að farþegar séu bólusettir gegn kórónuveirunni

Flugfélagið ætlar að krefjast þess að farþegar séu bólusettir gegn kórónuveirunni