fbpx
Föstudagur 23.október 2020
Pressan

Ný rannsókn – Blóðflokkar fólks skipta máli varðandi kórónuveirusmit

Kristján Kristjánsson
Fimmtudaginn 15. október 2020 05:06

Mynd: Getty.

Ekki missa af Helstu tíðindum dagsins í pósthólfið þitt

Lesa nánar

Niðurstöður nýrrar danskrar rannsóknar sýna að það skiptir máli í hvaða blóðflokki fólk er þegar kemur að kórónuveirusmiti. Þetta getur hugsanlega haft áhrif á hverjir verða fyrst bólusettir þegar bóluefni gegn veirunni kemur á markað.

Danska ríkisútvarpið skýrði frá þessu í gærkvöldi. Fram kemur að blóðflokkur fólks geti skipt máli varðandi hvort það smitast af veirunni eða ekki. Þeir sem eru í blóðflokki 0 smitast sjaldnar en þeir sem eru í A, B eða AB.

Rannsóknin var unnin af vísindamönnum hjá dönsku blóðbönkunum, Árósaháskóla og Syddansk háskólanum.

Samkvæmt niðurstöðum rannsóknarinnar eru 13% minni líkur á að smitast af kórónuveirunni ef fólk er í blóðflokki 0. Þetta þýðir að ef 100 smitaðir einstaklingar, í blóðflokkum A, B eða AB, finnast við skimun þá finnast aðeins 87 í blóðflokki 0 í sömu skimun.

Niðurstöður rannsóknarinnar hafa verið birtar í vísindaritinu Blood Advances.

Næsta verkefni vísindamannanna er að reyna að finna út úr af hverju blóðflokkur 0 veitir betri vernd gegn veirunni.

„Við vitum ekki ástæðuna ennþá en við vitum frá öðrum smitsjúkdómum að það geta verið tengsl á milli blóðflokks og þess að fá sýkingu,“

er haft eftir Torben Barington, prófessor við háskólasjúkrahúsið í Óðinsvéum, sem vann að rannsókninni.

Lars Østergaard, yfirlæknir á háskólasjúkrahúsinu í Árósum, sagði að niðurstöðurnar geti hugsanlega komið að gagni þegar bóluefni gegn veirunni verður tilbúið. Þá verði hugsanlega hægt að nota niðurstöðurnar þegar kemur að því að forgangsraða í bólusetningu.

Þrátt fyrir að líkurnar á að smitast séu minni fyrir fólk í ákveðnum blóðflokkum er mikilvægt að hafa í huga að allir geta smitast af veirunni. Barington lagði áherslu á að fólk haldi áfram að fylgja leiðbeiningum yfirvalda óháð því í hvaða blóðflokki það er.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Rudy Giuliani sagður fitla við sig fyrir framan falda myndavél í nýju Borat-myndinni

Rudy Giuliani sagður fitla við sig fyrir framan falda myndavél í nýju Borat-myndinni
Pressan
Í gær

Skelfileg mannréttindabrot í Katar þrátt fyrir fögur fyrirheit gestgjafa næsta HM í knattspyrnu

Skelfileg mannréttindabrot í Katar þrátt fyrir fögur fyrirheit gestgjafa næsta HM í knattspyrnu
Pressan
Fyrir 2 dögum

Báru kennsl á líkið eftir 35 ár – Beltissylgja var lykillinn

Báru kennsl á líkið eftir 35 ár – Beltissylgja var lykillinn
Pressan
Fyrir 2 dögum

Ævintýrið breyttist í dularfulla martröð? Af hverju gerðu þau þetta?

Ævintýrið breyttist í dularfulla martröð? Af hverju gerðu þau þetta?
Pressan
Fyrir 3 dögum

Lág dánartíðni af völdum COVID-19 á Indlandi vekur undrun – Tengist það beinbrunasótt?

Lág dánartíðni af völdum COVID-19 á Indlandi vekur undrun – Tengist það beinbrunasótt?
Pressan
Fyrir 3 dögum

Vaknaði við undarlegt hvæsihljóð við höfðalagið – Áfallið var gríðarlegt þegar hún áttaði sig á upptökum þess

Vaknaði við undarlegt hvæsihljóð við höfðalagið – Áfallið var gríðarlegt þegar hún áttaði sig á upptökum þess