fbpx
Miðvikudagur 28.október 2020
Pressan

Var týnd í tvö ár – Fannst á floti tvo kílómetra frá ströndinni

Kristján Kristjánsson
Fimmtudaginn 1. október 2020 05:35

Angelica Gaitan rétt áður en hún var dregin upp í bátinn. Mynd:Facebook / Rolando Visbal Lux

Ekki missa af Helstu tíðindum dagsins í pósthólfið þitt

Lesa nánar

Kólumbísku sjómönnunum Rolando og Gustavo brá mjög í brún á laugardaginn þegar þeir voru að veiðum um tvo kílómetra frá strönd Kólumbíu. Þeir komu skyndilega auga á eitthvað á floti í sjónum. Í fyrstu töldu þeir að um trjábol væri að ræða. Þeir sigldu varlega að hlutnum. Þegar þeir nálguðust fór hann skyndilega að veifa þeim.

Þeir hentu strax björgunarhring út í sjóinn og drógu síðan Angelica Gaitan, 46 ára, upp í bátinn. Hún hafði þá verið horfin í tvö ár.

„Ég er endurfædd. Guð vildi ekki að ég myndi deyja,“

voru að sögn hennar fyrstu orð eftir björgunina. The Sun skýrir frá. Hún var með litla meðvitund og mjög köld. Það var ekki fyrr en hún var komin í land og búin að fá aðhlynningu  sem hún gat sagt sögu sína.

Hún hvarf fyrir tveimur árum og hafði ekki haft samband við fjölskyldu sína eftir það. Í 20 ár hafði hún verið í ofbeldissambandi sem hún hafði ítrekað reynt að losna úr. Eftir að maður hennar hafði lamið hana svo illa að hún var nær dauða en lífi tókst henni að flýja. Næstu sex mánuði bjó hún á götunni en fékk þá inni í athvarfi fyrir heimilislausa. Henni var síðan gert að flytja þaðan eftir að maður hennar flutti úr bænum.

Mikið þunglyndi sótti á hana eftir þetta og hún ákvað að taka eigið líf. Hún kastaði sér í sjóinn en næstu átta klukkustundirnar flaut hún um Atlantshafið á meðan hákarlar hringsóluðu um hana og hún missti meðvitund öðru hvoru.

Hún er sannfærð um að hún hefði drukknað ef Rolando og Gustavo hefðu ekki fundið hana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Arabaríki sniðganga franskar vörur vegna deilna um Múhameðsteikningar

Arabaríki sniðganga franskar vörur vegna deilna um Múhameðsteikningar
Pressan
Í gær

Telur að loftslagsbreytingarnar muni hrekja milljónir Bandaríkjamanna frá heimilum sínum

Telur að loftslagsbreytingarnar muni hrekja milljónir Bandaríkjamanna frá heimilum sínum
Pressan
Fyrir 3 dögum

Segir að Trump hafi áttað sig á mikilvægi NATO

Segir að Trump hafi áttað sig á mikilvægi NATO
Pressan
Fyrir 3 dögum

Sjáðu myndbandið: Fór hamförum í búðinni vegna sóttvarnaraðgerða – „Ég skammast mín ekki“

Sjáðu myndbandið: Fór hamförum í búðinni vegna sóttvarnaraðgerða – „Ég skammast mín ekki“