Sky skýrir frá þessu. Fyrsti þjófnaðurinn átti sér stað 7. nóvember þegar 45 kindur hurfu af akri við Corsham Road í Lacock. Næsti átti sér stað 17. desember þegar 61 kind hvarf af akri í Broughton Giffor í Melksham. Þriðji þjófnaðurinn átti sér síðan stað þann 27. desember þegar 72 kindur hurfu af akri Bowood estate í Derry Hill.
Sky hefur eftir talsmanni lögreglunnar í Wiltshire að hún haldi öllum möguleikum opnum en telji að málin tengist og að þeir sem standi að baki þjófnuðunum séu vanir að eiga við sauðfé og noti fjárhunda. Það þurfi góða skipulagningu og hlutirnir verði að ganga hratt fyrir sig þegar svo miklum fjölda kinda sé stolið.
Lögreglan hvetur almenning því til að vera á varðbergi og segir að það geti verið erfitt fyrir fólk að átta sig á að þjófar séu á ferð þegar verið sé að smala fé og setja í bíla. Hún hvetur fólk því til að hafa samband ef það þekkir ekki þá sem eru að smala fé og setja í bíla.