Föstudagur 21.febrúar 2020
Pressan

Átti sér þann draum að búa og starfa á Íslandi – Fannst látinn fjórum dögum eftir að hann hvarf

Ritstjórn Pressunnar
Miðvikudaginn 22. janúar 2020 11:42

Ekki missa af Helstu tíðindum dagsins í pósthólfið þitt

Lesa nánar

Cole Greenfield, 24 ára karlmaður búsettur í Colorado, fannst látinn í gær, fjórum dögum eftir að hann sást síðast á lífi. Greenfield þessi átti sér þann draum að búa og starfa á Íslandi en hann dvaldi hér á landi í nokkrar vikur haustið 2018.

Staðarmiðlar í Colorado hafa fjallað um málið og hvarf þessa unga náttúruunnanda. „Ég elska fólk og ævintýri og stefni á að fá atvinnu sem leiðsögumaður í visthæfri ferðamennsku á Íslandi,“ sagði Cole á Instagram-síðu sinni. Þar má finna myndir af Íslandsferð hans árið 2018 og sögur af ferðalaginu. Hann ferðaðist til dæmis á puttanum frá Varmahlíð til Reykjavíkur og sagði frá fólki sem hann hitti og kynntist hér á landi.

Í frétt Aspen Times kemur fram að Cole hafi verið saknað síðan á föstudag en hann fannst látinn í gær. Óvíst er hvernig andlátið bar að en í fréttinni segir að hann hafi síðast sést á bar í bænum Avon á föstudagskvöldið.

Cole, sem starfaði sem leiðsögumaður í skíða- og snjóbrettaskóla í Beaver Creek, mætti ekki í vinnu á laugardag en átti að vera í fríi sunnudag og mánudag. Herbergisfélagar og vinnufélagar í Beaver Creek höfðu samband við lögreglu á mánudag þegar þeir höfðu ekki séð hann. Lögregla hóf strax leit og fannst lík hans miðja vegu í skóglendi milli barsins og heimavistar fyrir starfsmenn skíðaskólans í Beaver Creek þar sem hann bjó. Rannsókn á málinu stendur yfir en lögreglu grunar ekki að andlátið hafi borið að með saknæmum hætti.

Í frétt Aspen Times kemur fram að Cole hafi elskað útiveru og ætlaði hann að helga líf sitt henni. Þrátt fyrir ungan aldur hafði Cole komið víða við, meðal annars starfað í Kanada og í Alaska. „Cole var mikils metinn starfsmaður hjá Beaver Creek skíða- og snjóbrettaskólanum. Við erum sorgmædd yfir fráfalli vinar okkar og kollega og vottum fjölskyldu hans innilegrar samúðar,“ hefur Aspen Times eftir forsvarsmönnum skíðaskólans í Beaver Creek.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 22 klukkutímum

Átta skotnir til bana í Hanau í Þýskalandi – Árásarmaðurinn er látinn

Átta skotnir til bana í Hanau í Þýskalandi – Árásarmaðurinn er látinn
Pressan
Í gær

Söguleg tíðindi – Aldrei fyrr hefur hitinn mælst yfir 20 gráður á Suðurskautinu

Söguleg tíðindi – Aldrei fyrr hefur hitinn mælst yfir 20 gráður á Suðurskautinu
Pressan
Fyrir 2 dögum

Vopnað glæpagengi rændi miklu magni af klósettpappír

Vopnað glæpagengi rændi miklu magni af klósettpappír
Pressan
Fyrir 2 dögum

Dæmd í tveggja ára fangelsi – Reyndi að opna flugvéladyr í háloftunum

Dæmd í tveggja ára fangelsi – Reyndi að opna flugvéladyr í háloftunum