fbpx
Mánudagur 12.apríl 2021
Pressan

Bill Gates svarar óhugnanlegum samsæriskenningum

Kristján Kristjánsson
Miðvikudaginn 19. ágúst 2020 20:37

Bill Gates.

Ekki missa af Helstu tíðindum dagsins í pósthólfið þitt

Lesa nánar

Bill Gates, stofnandi Microsoft, er einn auðugasti maður heims. Hann hefur verið iðinn við að gefa peninga til ýmissa góðgerðar- og samfélagsmálefna. Hann hefur lengi haft sérstakan áhuga á bóluefnum og ýmsu öðru tengdu heilbrigðismálum. Hann hefur gefið háar fjárhæðir til þróunar bóluefnis gegn kórónuveirunni, sem veldur COVID-19, og fylgist vel með framvindu mála um allan heim. En Gates er vinsælt viðfangsefni samsæriskenningasmiða og annarra sem telja sig sjá skrattann í hverju horni.

Gates og eiginkona hans, Melinda Gates, hafa fram að þessu gefið 350 milljónir dollara til þróunar á bóluefni gegn kórónuveirunni. Í viðtali við Bloomberg ræddi Gates væntingar sínar til bóluefnis.

„Fyrsta bóluefnið verður ekki fullkomið hvað varðar virkni gegn sjúkdómnum og smiti. Það mun ekki veita langvarandi vörn og það verður aðallega notað í ríkum löndum sem bráðabirgðalausn. Við erum heppin ef við fáum bóluefni fyrir árslok. En á næsta ári verði nokkur bóluefni örugglega samþykkt.“

Sagði hann.

En þrátt fyrir að hann hafi dælt peningum í bóluefnaþróun hefur það ekki orðið til þess að allir hafi trú á því sem hann er að gera. Meðal vinsælla samsæriskenninga um Gates er að á bak við gjafmildi hans liggi óhugnanlegar fyrirætlanir. Til dæmis að hann sé að reyna að þróa bóluefni sem geti hjálpað honum að ná stjórn á heilum fólks í gegnum 5G tæknina.

Hann ræddi þetta aðeins í viðtalinu og sagði þetta vera undarlegt.

„Þeir líta á þá staðreynd að ég tengist þróun bóluefnis og snúa á hvolf, svo þetta líti út fyrir að í staðinn fyrir að ég gefi peninga til einhvers sem bjargar mannslífum þá græði ég á einhverju sem drepur fólk. Ef þetta verður til þess að fólk lætur ekki bólusetja sig eða vill ekki nota andlitsgrímur, þá er það stórt vandamál.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Caitlyn Jenner sögð vera á leið í pólitík – Vill feta í fótspor Arnold Schwarzenegger

Caitlyn Jenner sögð vera á leið í pólitík – Vill feta í fótspor Arnold Schwarzenegger
Pressan
Fyrir 2 dögum

Fær loksins greiddan vinning upp á 300 milljónir

Fær loksins greiddan vinning upp á 300 milljónir
Pressan
Fyrir 3 dögum

Fimmti hver COVID-19 sjúklingur glímir við andleg eftirköst

Fimmti hver COVID-19 sjúklingur glímir við andleg eftirköst
Pressan
Fyrir 3 dögum

Bræður grunaðir um að hafa myrt fjölskyldu sína áður en þeir frömdu sjálfsvíg

Bræður grunaðir um að hafa myrt fjölskyldu sína áður en þeir frömdu sjálfsvíg