fbpx
Sunnudagur 29.nóvember 2020
Pressan

Coca-Cola gerir 30 daga hlé á auglýsingum á samfélagsmiðlum

Kristján Kristjánsson
Mánudaginn 29. júní 2020 08:00

Ekki missa af Helstu tíðindum dagsins í pósthólfið þitt

Lesa nánar

Drykkjarvörurframleiðandinn Coca-Cola ætlar ekki að auglýsa á samfélagsmiðlum í minnst 30 daga. Ástæðan er að fyrirtækið vill sjá samfélagsmiðlana sýna meiri „ábyrgð“ í kjölfar umræðna um kynþáttahatur og kynþáttaníð.

Fyrirtækið tekur þessa ákvörðun á sama tíma og stjórnendur samfélagsmiðla reyna að átta sig á hvernig á að bregðast við kynþáttaníði og hatri á miðlum þeirra.

„Kynþáttahatur á hvergi við og það á ekki við á samfélagsmiðlum.“

Er haft eftir James Quincey, forstjóra The Coca-Cola Company, í fréttatilkynningu. Hann segir að eigendur samfélagsmiðla verði að leggja sitt af mörkum með „meiri ábyrgð og gegnsæi“.

Mörg önnur fyrirtæki hafa einnig tekið ákvörðun um að sniðganga samfélagsmiðla til að þvinga þá til breytinga í meðhöndlun á hatursræðu. Coca-Cola ætlar að nota hléið til að „endurmeta vinnureglur sínar varðandi auglýsingar til að sjá hvaða breytinga er þörf“ segir Quincey.

Fyrirtækið er stór aðili á auglýsingamarkaði um allan heim. Það segir að hléið þýði ekki að fyrirtækið gangi til liðs við hreyfinguna sem berst fyrir réttindum svartra í Bandaríkjunum og almennum réttindum fólks.  Í umræddri hreyfingu er meðal annars hin stóra mannréttindahreyfing NAACP. Hreyfingin hefur hvatt fyrirtæki til að hætta að auglýsa á Facebook undir myllumerkinu #StopHateForProfit. Markmiðið er að þrýsta á að betra eftirlit og stjórn verði höfð á hópum sem hvetja til haturs, kynþáttaníðs og ofbeldis á samfélagsmiðlum.

Matvælaframleiðandinn Unilever, sem framleiðir meðal annars Lipton te og Ben & Jerry‘s ís hefur tilkynnt að fyrirtækið ætli að hætta að auglýsa á Facebook, Twitter og Instagram í Bandaríkjunum og gildir ákvörðunin út árið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ritzau-fréttastofan í heljargreipum tölvuþrjóta sem krefjast lausnargjalds

Ritzau-fréttastofan í heljargreipum tölvuþrjóta sem krefjast lausnargjalds
Pressan
Fyrir 2 dögum

Hún var myrt af eiginmanninum og tengdafjölskyldunni – Dómurinn vekur mikla reiði

Hún var myrt af eiginmanninum og tengdafjölskyldunni – Dómurinn vekur mikla reiði
Pressan
Fyrir 3 dögum

853 létust af völdum COVID-19 á Ítalíu í gær – Mesti fjöldi síðan í mars

853 létust af völdum COVID-19 á Ítalíu í gær – Mesti fjöldi síðan í mars
Pressan
Fyrir 3 dögum

Margir krefjast opinberrar rannsóknar á starfsháttum Trump – Þetta er svar Biden

Margir krefjast opinberrar rannsóknar á starfsháttum Trump – Þetta er svar Biden
Pressan
Fyrir 4 dögum

Kínverjar senda geimfar til tunglsins til að sækja jarðvegssýni

Kínverjar senda geimfar til tunglsins til að sækja jarðvegssýni
Pressan
Fyrir 4 dögum

Flugfélagið ætlar að krefjast þess að farþegar séu bólusettir gegn kórónuveirunni

Flugfélagið ætlar að krefjast þess að farþegar séu bólusettir gegn kórónuveirunni