Augljósasta lausnin er að nota heitt vatn, jafnvel sjóðandi vatn, og hella á rúðuna. En það er rétt að hafa í huga að sjóðandi vatn er notað er hætta á að sprungur myndist í rúðunni vegna hitamismunar. Því er skynsamlegast að nota volgt vatn.
Það er líka hægt að nota blöndu af vatni og spritti. Það er blandað í hlutföllunum einn þriðji vatn á móti tveimur þriðju hlutum spritts. Best er að hafa þetta í úðabrúsa, sem er hægt að geyma í bílnum, og úða á rúðuna. Eftirleikurinn er síðan auðveldur með sköfu.
Það er líka hægt að vera með forvarnarstarf. Til dæmis er hægt að leysa smávegis salt, matarsalt, upp í vatni. Handklæði er síðan bleytt í vatninu og lagt undir rúðuþurrkurnar að kvöldi. Eftir því sem segir á Wikihow ætti þetta að tryggja að rúðan sé íslaus næsta morgun. En það þarf að passa að handklæðið sé ekki rennandi blautt því saltvatnið á aðeins að komast í snertingu við rúðuna því það getur aukið ryðmyndun í bílnum.