Hann er ákærður fyrir að hafa drepið stjúpsystur sína og að hafa ráðist á Al-Noor Islamic Centre í Bærum nærri Osló. Enginn slasaðist alvarlega í þeirri árás. Stjúpsystir hans var 17 ára og var ættleidd frá Kína. Hann telur að ekki eigi að refsa honum fyrir það sem hann gerði. Í yfirlýsingu sinni kom hann með margar rasískar athugasemdir og lýsti einnig gyðingaandúð sinni.
Gæsluvarðhald yfir honum var framlengt en einangrun aflétt svo nú getur hann sent og fengið bréf og heimsóknir.
Hilde Strand, lögmaður hjá lögreglunni, sagði að rannsókn málsins muni ljúka í desember. Á fimmtudaginn er von á skýrslu um hvort hægt sé að draga Manshaus til ábyrgðar fyrir ódæðisverkin.