Á myndinni, sem fylgir þessari frétt, sést eldra par liggjandi í sjúkrarúmum. Þau  deila síðustu stundum lífsins saman. 20 mínútum eftir að myndin var tekin lést maðurinn, Dennis Eccleston 81 árs að aldri. Skömmu síðar var konan, hin áttræða Mavis Eccleston, handtekin, grunuð um að hafa myrt eiginmann sinn.

Dóttir þeirra, Joy Munns, skýrir frá þessu í færsl á Facebook. Þar deilir hún sögu foreldra sinna, hvernig þau reyndu að leyfa Dennis að deyja virðulega en allt endaði með handtöku móður hennar.

„Mamma er grunuð um morð fyrir að reyna að fremja sjálfsvíg með krabbameinssjúkum föður okkar. Hann vildi losna við sársaukann, ástin hennar í 60 ár, og hún þoldi ekki að sjá hann þjást lengur.“

Skrifar Joy.

Af þessum sökum vildi Mavis fórna lífi sínu svo þau gætu dáið saman. En þannig fór þetta ekki.

Sjálfsvígið og sjálfsvígstilraunin áttu sér stað í apríl. Mavis var í haldi lögreglunnar í 30 klukkustundir en var síðan látin laus. Í september kom hún síðan fyrir dóm. Þar átti kviðdómur að taka afstöðu til hvort dæma ætti hana fyrir morð á eiginmanni sínum því í Englandi er óheimilt að veita fólki aðstoð við að taka eigið líf.

„Sem betur fer var kviðdómurinn skynsamur og réttlætið hafði sigur með „ekki sek“ dómi.“

Skrifar Joy.

Færsla hennar og myndin af foreldrum hennar hefur vakið upp umræðu um hvort heimila eigi að fólki sé hjálpað við að binda enda á eigið líf.