Bandarísk stjórnvöld hafa um langa hríð verið að herða orðræðuna gegn þessum tveimur stórveldum en hafa ekki fyrr gengið jafn langt og Pompeo gerði á föstudaginn.
„Rússlandi er í dag stýrt af fyrrum liðsmanni KGB sem ræðst inn í nágrannaríkin og lætur myrða pólitíska andstæðinga. Á meðan við erum hér samankomin beita rússnesk yfirvöld lögreglunni og pyntingum gegn töturum og Úkraínumönnum sem berjast gegn ágengni þeirra.“
Hann sagði einnig að Bandaríkin væru alfarið á móti lagningu nýrrar gasleiðslu, Nord Stream 2, frá Rússlandi til Evrópu.
Heimsókn Pompeo í Þýskalandi var í tilfefni af því að nú eru 30 ár liðin frá hruni Berlínarmúrsins. Pompeo tengdi samtímann við þessa fortíð þegar hann ræddi um Kína.
„Í Kína er kommúnistaflokkurinn að skapa nýja stefnu, sem heimurinn hefur ekki séð í mjög langan tíma, fyrir alræðisstjórnir. Kínverski kommúnistaflokkurinn notar hræðilegar aðferðir og aðgerðir, sem fyrrum íbúar Austur-Þýskalands þekkja, til að kúga eigin þjóð.“