Norska ríkisútvarpið hefur eftir Tore Tungodden, aðstoðarforstjóra háskólans, að þetta sé mikilvægt skref til að draga úr losun háskólans á gróðurhúsalofttegundum. Þetta sé hluti af stærra máli og stærri mynd.
500 sæti eru í boði í jólahlaðborðinu og er venjan að þau seljist öll en nú er fólk ekki eins öruggt um að öll sæti seljist fyrst ekkert kjöt er á boðstólum.
Málið hefur vakið mikla athygli og hafa flestir sem hafa tjáð sig um það látið í ljós óánægju sína með að jólahlaðborðið verði kjötlaus. Norska ríkisútvarpið hefur eftir Pål Hermod Bakka, bókasafnsverði í háskólanum, að honum finnist hugmyndin kjánaleg og að hann ætli að fara á jólahlaðborð annarsstaðar þar sem hann geti fengið kjöt.