„Kokkahjartað mitt sagði að ég yrði að gera þetta.“ Skrifaði Pia meðal annars en hún matreiddi kjötið sjálf með chili og mangó. Hún er sjálf kokkanemi.
Á laugardaginn fór færsla hennar á mikið flug eftir að einhver hafði tekið skjáskot af henni og sett inn á norska grínsíðu en Pia býr í Noregi.
„Guð minn góður, á ekki orð!!! Þetta er hræðilegt, þú borðar ekki besta vin þinn, er það?“
Var meðal annars skrifað um færslu hennar. En þetta voru nú bara vinsamlega skrif miðað við margt annað sem dundi á henni. Margir skrifuðu að hún ætti skilið að vera drepinn fyrir að hafa borðað sinn eigin hest. Aðrir vildu að hún yrði svipt leyfi til að eiga dýr.
Í samtali við Dagbladet sagði Pia að hörðustu viðbrögðin hafi komið frá ungum stúlkum sem eiga hest. Í þeirra augum sé það að borða hrossakjöt eins og að borða ættingja. Hún er sjálf ekki þeirrar skoðunar og sér ekkert athugavert við að borða sinn eigin hest sem hún var mjög ánægð með.
„Þetta var mín aðferð til að heiðra hana. Það er ekki betra að kjötið sé grafið í jörð og étið af möðkum.“
Sagði hún. Lóga varð Drifting Speed síðasta sumar vegna veikinda og var kjötið búið að vera í frysti síðan.
Hún sagði að líklega hafi hún aðra sýn á þetta en flestir hestaeigendur því hún sé uppalin í sveit. Hún sagði það mikið tabú í samfélagi hestafólks að borða hrossakjöt.