fbpx
Föstudagur 04.júlí 2025
Pressan

Stór jarðskjálfti setti keðjuverkun af stað – Nýtt misgengi lætur á sér kræla

Kristján Kristjánsson
Þriðjudaginn 22. október 2019 07:02

Ekki missa af Helstu tíðindum dagsins í pósthólfið þitt

Lesa nánar

Í júlí reið stór jarðskjálfti yfir Kaliforníu, sá stærsti í marga áratugi. Þetta hefur haft óvæntar afleiðingar í för með sér. Jarðskjálftinn, sem var einn af mörgum, sem reið yfir nærri bænum Ridgecrest setti ákveðna keðjuverkun af stað sem vísindamenn virðast ekki hafa séð fyrir og klóra þeir sér nú í höfðinu yfir þessu.

Í nýrri rannsókn, sem var birt í vísindaritinu Science í síðustu viku er fjallað um málið. Það voru vísindamenn við Caltech og hjá geimferðastofnuninni NASA sem gerðu rannsóknina. Þeir rannsökuðu afleiðingar skjálftanna í júlí. Í ljós kom að misgengi, sem er nefnt Garlock, „vaknaði“ við skjálftana í júlí og er nú á hreyfingu en það er í fyrsta sinn síðan  mælingar hófust sem það hefur gerst.

Los Angeles Times hefur eftir Zachary Ross, aðalhöfundi rannsóknarinnar, að það hafi komið á óvart að sjá hreyfingu á Garlock, það hafi aldrei áður gerst. Ekki sé vitað hvað þetta þýði.

Jarðskjálftarnir við Ridgecrest voru þeir öflugustu í Kaliforníu áratugum saman, sá stærsti mældist 7,1. Skjálftarnir urðu til þess að hlutar Garlock hafa hreyfst til. Í niðurstöðum sínum segja vísindamennirnir að þetta þýði að endurmeta verði áhrif jarðskjálfta því fram að þessu hafi yfirleitt ekki verið horft á áhrifin á önnur misgengi.

The Guardian hefur eftir Ross að ómögulegt sé að leggja mat á hvað þessar nýju hreyfingar á Garlock muni hafa í för með sér. Þetta valdi ákveðinni óvissu og erfitt sé að draga allar stöðumyndir upp, endalausir möguleikar séu fyrir hendi varðandi atburðarrásina. Líkur séu á stórum og öflugum skjálftum ef misgengið verður óstöðugt og hreyfist meira.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Svona tryggir þú að taskan þín komi alltaf fyrst á farangursfæribandið

Svona tryggir þú að taskan þín komi alltaf fyrst á farangursfæribandið
Pressan
Fyrir 2 dögum

Fundu faldar myndavélar í Airbnb-íbúðinni – Voru mynduð þegar þau stunduðu kynlíf

Fundu faldar myndavélar í Airbnb-íbúðinni – Voru mynduð þegar þau stunduðu kynlíf
Pressan
Fyrir 2 dögum

Milljarðaverðmæti í gulli eru geymd undir New York – Nú þurfa eigendurnir kannski að flytja það heim

Milljarðaverðmæti í gulli eru geymd undir New York – Nú þurfa eigendurnir kannski að flytja það heim
Pressan
Fyrir 2 dögum

Kona lést eftir að hún festist í fatasöfnunargámi

Kona lést eftir að hún festist í fatasöfnunargámi
Pressan
Fyrir 4 dögum

Borðaðu spergilkál og hreinsaðu heilann

Borðaðu spergilkál og hreinsaðu heilann
Pressan
Fyrir 4 dögum

Þess vegna á aldrei að grilla kjöt um leið og það er tekið úr ísskápnum

Þess vegna á aldrei að grilla kjöt um leið og það er tekið úr ísskápnum
Pressan
Fyrir 4 dögum

Hvort er betra að ganga eða hlaupa í rigningu til að verða ekki eins blautur?

Hvort er betra að ganga eða hlaupa í rigningu til að verða ekki eins blautur?
Pressan
Fyrir 5 dögum

Ráðgátan í Thuleherstöðinni – Hvað varð um Jytte?

Ráðgátan í Thuleherstöðinni – Hvað varð um Jytte?