CNN skýrir frá þessu.
Fram kemur að tvítugur maður, sem starfar við tölvuöryggismál, hafi verið handtekinn og hald lagt á tölvu hans og síma. Saksóknari í höfuðborginni Sofiu segir að tölvan og hugbúnaður í henni hafi verið notaður við tölvuárásina. Búlgarska persónuverndin hefur ákveðið að hefja rannsókn á málinu sem er allt hið vandræðalegasta fyrir yfirvöld.
Sérfræðingar, sem CNN hefur rætt við, segja að mörg tölvukerfi hins opinbera séu úrelt og þá sérstaklega í ljósi þess hversu margar tölvuárásir eru gerðar á opinber kerfi í dag.
Á síðasta ári var þjóðskrá landsins óvirk um tíma eftir tölvuárás. Hér er um stórt samfélagslegt vandamál að ræða sem þarf að bæta úr segja sérfræðingar enda varði þetta öryggi innviða landsins.