Lúxus morgunverður þarf ekki alltaf að kosta mikla fyrirhöfn. Berglind Hreiðars okkar ástsæli matarbloggari hjá Gotterí og gersemar er búin að vera iðin síðustu vikur að útbúa hollt og gott skólanesti og nú er það morgunverðurinn fyrir meistarann. Þessi hérna samsetning myndi sóma sér hvar sem er, hvenær sem er og ekki er verra að þetta er allt hollt, gott og næringarríkt.

Drykkurinn er dásamlegur og ristuð súrdeigssneið með avókadó og smá twisti er eitthvað sem við mælum með að þið prófið og njótið hvers bita.

Morgunverður meistarans

Draumadrykkur

Fyrir  3-4 glös

2 bananar

400 ml vanillumjólk

3 msk. kókos- og möndlusmjör frá Rapunzel

1 msk. Cadbury bökunarkakó

1 lúka (6-8 stk) döðlur

1 msk. chiafræ

2 lúkur klakar

Allt sett í blandarann og þeytt vel.

Avókadósneið með twisti

1 súrdeigssneið

Philadelphia rjómaostur – Extra Protein

½ – 1 avókadó

Agúrkusneiðar

Sesamblanda-krydd

Spírur – próteinblanda

Ólífuolía til steikingar

Steikið brauðsneiðina upp úr smá ólífuolíu þar til hún verður aðeins stökk á báðum hliðum.

Smyrjið sneiðina með rjómaosti, stappið avókadóið gróft og setjið yfir, því næst agúrkusneiðar, sesamkrydd og spírur.