fbpx
Þriðjudagur 18.febrúar 2025

Morð og sjálfsmorð í Mt. Airy: Öll fjölskyldan vegin – Heimilishundurinn slapp ekki

Ritstjórn DV
Laugardaginn 10. ágúst 2019 21:00

Ekki missa af Helstu tíðindum dagsins í pósthólfið þitt

Lesa nánar

Vinnufélögum Jennifer A. Dalton, í Damascus í Maryland í Bandaríkjunum, var ekki rótt að morgni föstudagsins 25. september 2009. Jennifer, sem bjó í Mt. Airy, vann hlutastarf á dýralækningastofu í Damascus og hafði hvorki mætt til vinnu né tilkynnt forföll. Það var mjög ólíkt henni. Vinnufélagar hennar hringdu í hvort tveggja heimasíma Jennifer og farsíma, en án árangurs.

Enginn á lífi

Að kvöldi þess sama dags kom í ljós að fyrir því var ærin ástæða; Jennifer Dalton var ekki lengur í tölu lifenda. Reyndar var enginn úr fjölskyldunni á lífi. Heimilisfaðirinn Charles Dalton eldri, eiginkona hans Jennifer, og tvö börn þeirra, Charles Dalton yngri, 14 ára, og Emmaline, 7 ára, höfðu öll verið skotin til bana.

Charles Dalton eldri
Var vel liðinn af þeim sem hann þekktu.

   

Tíðindin komu nágrönnum og vinum í opna skjöldu, enda gat enginn ímyndað sér að nokkur vildi vinna Dalton-fjölskyldunni mein.

Vel liðin fjölskylda

Að sögn nágranna var fjölskyldan vingjarnleg og trúuð og einn nágranninn hafði á orði að í hvert skipti sem snjóaði hefðu hjónin mætt með skóflur og mokað hjá honum heimreiðina.

Börn hjónanna voru vel liðin, hvort heldur var í skóla eða einkalífi. Charles Dalton yngri var sjálfboðaliði í ungmennadeild slökkviliðsins í Mt. Airy, sama fyrirtæki og kom að heimili fjölskyldunnar þetta föstudagskvöld eftir að hringt hafði verið í Neyðarlínuna.

Enginn utanaðkomandi

Þegar inn í íbúðina var komið velktist enginn í vafa um að um morðvettvang var að ræða, en spurningin var: hvað hafði gerst. Frumrannsókn svaraði þeirri spurningu og ljóst var að enginn utanaðkomandi hafði verið að verki.

Á vettvangi
Óhugnanleg sjón mætti lögreglu.

Lík Jennifer fannst í rúmi hjónaherbergisins. Charles yngri og Emmaline, systir hans, höfðu hlotið sömu örlög og lík þeirra fundust í svefnherbergjum þeirra.

Morð og sjálfsmorð

Lík heimilisföðurins, Charles eldri, lá á gólfinu við hlið hjónarúmsins og upp við það lá haglabyssa; 12 gauge pumpa. Síðar kom í ljós að öll fjögur höfðu verið skotin til bana með þeirri haglabyssu.

Ekkert sjálfsmorðsbréf fannst á staðnum en talið hafið yfir allan vafa að Charles eldri hefði tekið í gikkinn í öllum tilfellum. Ekki einu sinni heimilishundurinn slapp, en hann hafði verið skotinn í bæli sínu rétt innan við aðaldyr heimilisins.

Hvað lá að baki þessu öllu saman hefur aldrei verið upplýst.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 8 klukkutímum

Valsmenn skella verðmiða á Gylfa sem myndi gera hann að dýrasta leikmanni í sögu fótboltans á Íslandi

Valsmenn skella verðmiða á Gylfa sem myndi gera hann að dýrasta leikmanni í sögu fótboltans á Íslandi
Fréttir
Fyrir 8 klukkutímum

Ljóst að ákvarðanir voru teknar að illa ígrunduðu máli – „Það er hagfræði andskotans og bakreikningurinn verður þungur“

Ljóst að ákvarðanir voru teknar að illa ígrunduðu máli – „Það er hagfræði andskotans og bakreikningurinn verður þungur“
433Sport
Fyrir 9 klukkutímum

Guardiola bindur gríðarlega miklar vonir við nýja manninn

Guardiola bindur gríðarlega miklar vonir við nýja manninn
433Sport
Fyrir 10 klukkutímum

Almenn miðasala er hafin

Almenn miðasala er hafin
Fréttir
Fyrir 11 klukkutímum

Hvarf Jóns Þrastar: Skuggalegar sögusagnir um að rangur maður hafi verið myrtur

Hvarf Jóns Þrastar: Skuggalegar sögusagnir um að rangur maður hafi verið myrtur
Pressan
Fyrir 11 klukkutímum

Ein á Evópuferðalagi og finnst allar borgir eins – „Get ekki hætt að gráta“

Ein á Evópuferðalagi og finnst allar borgir eins – „Get ekki hætt að gráta“
Fréttir
Fyrir 11 klukkutímum
Breyttu rusli í list!
Pressan
Fyrir 12 klukkutímum

Dóttir Musk frétti af nýjasta systkini sínu í gegnum samfélagsmiðla – „Vá, ef ég ætti krónu fyrir hvert skipti…“

Dóttir Musk frétti af nýjasta systkini sínu í gegnum samfélagsmiðla – „Vá, ef ég ætti krónu fyrir hvert skipti…“
Fókus
Fyrir 12 klukkutímum

Íris Líf fékk greiðslumat upp á 100 milljónir – Féll ekki í gryfjuna og gerði þetta í staðinn

Íris Líf fékk greiðslumat upp á 100 milljónir – Féll ekki í gryfjuna og gerði þetta í staðinn