fbpx
Laugardagur 28.nóvember 2020

Stofnun upp á punt

Kristinn H. Guðnason
Sunnudaginn 7. apríl 2019 15:00

Ekki missa af Helstu tíðindum dagsins í pósthólfið þitt

Lesa nánar

Í þessari viku, líkt og þeirri síðustu, hefur DV fjallað um ástandið á Fiskistofu. Sú umfjöllun mun halda áfram enda hafa fjölmörg mál komið þar upp sem sýna fram á glundroða og slæma meðferð á fjármunum ríkisins. Skattfénu okkar.

DV hefur rætt við fjölmarga starfsmenn, fyrrverandi og núverandi, sem allir hafa haft misgott að segja um stofnunina og stjórnunina þar. Hér er ekki um neitt smábatterí að ræða. Fiskistofa er 60 manna vinnustaður sem á að sjá um eftirlit með mestu auðlind landsins. Dæmin sýna sögu og þau eru mýmörg. Yfirmönnum virðist meira annt um að Fiskistofa verði stofnun ársins í könnun hjá SFR en að hún nái að uppfylla skyldur sínar.

Nýverið var sett á laggirnar fjölskipuð verkefnastjórn og samráðshópur til að bregðast við svartri skýrslu Ríkisendurskoðunar. Svo fjölskipuð að sennilega verður hver höndin upp á móti annarri og afraksturinn enginn. Bara enn ein rándýr skýrsla.

Vandræði stofnunarinnar ná mörg ár aftur í tímann. Allt keyrði svo um þverbak við flutning höfuðstöðvanna til Akureyrar. Þá ábyrgð bera Sigmundur Davíð Gunnlaugsson og Sigurður Ingi Jóhannsson. Hafði flutningurinn skelfileg áhrif á bæði starfsmannamálin og fjármálin eins og DV hefur greint frá. Vinnustaðasálfræðingar og lögfræðingar hafa verið fengnir til þess að greiða úr málum. Kergjan, biturðin og vantraustið er allt umlykjandi. Þar að auki finnst starfsfólki störf sín tilgangslaus og missir þar með metnaðinn. Einn viðmælandi hafði á orði að stofnunin væri upp á punt.

Það sem er gegnumgangandi í máli Fiskistofu er vanvirðingin fyrir hinu opinbera fé. Að til sé endalaus gullpottur sem hægt sé að stinga krumlunni í og sækja dagpeninga, ferðapeninga, starfslokagreiðslur og fleira. Fyrir eina deildarstjórastöðu eru búnar til tvær og þær fluttar hvor á sinn landshlutann. Svo ferðast hinir nýju deildarstjórar sífellt á milli.

Vel getur verið að ástandið sé svipað hjá einhverjum öðrum stofnunum. Árið 2017 fjallaði DV um óboðlegt ástand hjá Landbúnaðarháskólanum á Hvanneyri. Líkt og hjá Fiskistofu fór þar allt á annan endann eftir mislukkaða sameiningu. Sameiningu sem stjórnmálamenn ákváðu. Vart verður því þó trúað að ástandið geti nokkurs staðar verið verra en hjá Fiskistofu.

Þó að stjórnmálamenn beri mikla ábyrgð með sínum glæfralegu og vanhugsuðu aðgerðum þá verða núverandi yfirmenn stofnunarinnar, Eyþór Björnsson fiskistofustjóri og sviðsstjórar, einnig að taka gagnrýnina til sín. Taka verður starfsemina í gegn frá A til Ö með aðstoð utanaðkomandi aðila, þá ekki fjölskipuðu pólitísku batteríi heldur fámennu og samhentu liði kunnáttufólks í greininni. Það er ekki í lagi að fara með almannafé eins og matadorpeninga og starfsfólk eins og peð á skákborði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 12 klukkutímum

Enn varað við meintum svikahrappi – Sagður hafa stolið tölvum og verkfærum frá gistiheimili – Hótar manni sem ber hann sökum

Enn varað við meintum svikahrappi – Sagður hafa stolið tölvum og verkfærum frá gistiheimili – Hótar manni sem ber hann sökum
Fyrir 13 klukkutímum

Ég gerði mistök á internetinu – Ding dong. 8.234 krónur, takk.

Ég gerði mistök á internetinu – Ding dong. 8.234 krónur, takk.
433Sport
Fyrir 13 klukkutímum

Yngsti leikmaður Tottenham frá upphafi spilaði í Evrópudeildinni í gær eftir erfið meiðsli

Yngsti leikmaður Tottenham frá upphafi spilaði í Evrópudeildinni í gær eftir erfið meiðsli
433Sport
Fyrir 15 klukkutímum

Erfiðir dagar hjá Aguero – Sonur hans upplifir mikla sorg eftir að afi hans féll frá

Erfiðir dagar hjá Aguero – Sonur hans upplifir mikla sorg eftir að afi hans féll frá
Eyjan
Fyrir 15 klukkutímum

Halldór segir Gunnar Braga fæla kvenfólk frá Miðflokknum

Halldór segir Gunnar Braga fæla kvenfólk frá Miðflokknum
Fréttir
Fyrir 18 klukkutímum

Ekki hefur tekist að birta Ingvari dóm – Glás af skotvopnum og fíkniefnum

Ekki hefur tekist að birta Ingvari dóm – Glás af skotvopnum og fíkniefnum
433Sport
Fyrir 18 klukkutímum

Gerir kröfur á 50 milljónir í laun á viku

Gerir kröfur á 50 milljónir í laun á viku
Fókus
Fyrir 20 klukkutímum

Lygilegar raunir Hjalta í Túnis – „Það var fangelsi á borðinu“

Lygilegar raunir Hjalta í Túnis – „Það var fangelsi á borðinu“
433Sport
Fyrir 20 klukkutímum

Klopp gefst upp á því að tuða

Klopp gefst upp á því að tuða