fbpx
Þriðjudagur 14.júlí 2020

Vanþakklátur ráðherra

Svarthöfði
Sunnudaginn 31. maí 2020 12:30

Ekki missa af Helstu tíðindum dagsins í pósthólfið þitt

Lesa nánar

Eftirfarandi er pistill Svarthöfða sem birtist í helgarblaði DV sem kom út á föstudag

Heilbrigðisráðherra náði að skíta upp á bak í vikunni þegar hún móðgaði Kára fokkins Stefánsson í beinni útsendingu á upplýsingafundi almannavarnateymis ríkislögreglustjóra. Hvílíkt klúður. Hún fór með svakalega dramatíska ræðu, skreytta blúndum og pífum, þar sem hún þakkaði þríeykinu fræga, samfélaginu og nánast öllum heiminum, nema Kára Stefánssyni og Íslenskri erfðagreiningu. Svarthöfði hjó eftir þessu en hélt að hann væri einn á báti þar til Kári sjálfur steig fram og lýsti því yfir opinberlega að hann væri farinn í fýlu út í ráðherra og sóttvarnalækni og skammaðist sín ekkert fyrir að viðurkenna það.

Flott hjá þér, Kári. Svarthöfði stendur fast á því að þegar manni sárnar eða þegar maður reiðist út í náunga sinn, þá á maður að tala um tilfinningar sínar, frekar en að leyfa þeim að gerjast og súrna inni í líkama sínum. Þáttarstjórnandi Kastljóss kallar þig kannski ruglaðan, en hvað veit hann? Það er ekki barnalegt að segja satt, það er fullorðins. Það sem er barnalegt er að skilja út undan.

Íslensk erfðagreining steig inn í COVID-faraldurinn og létti undir með opinbera heilbrigðiskerfinu í skimunum. Ekki nóg með það, heldur söfnuðu þau saman upplýsingum, greindu og áttu því mikilvægt framlag í faraldursfræði COVID-19 á alþjóðagrundvelli. Litla Íslandið okkar var dásamað um allan heim fyrir litlu snjöllu víkingana sem náðu tökum á faraldrinum á mettíma. Og Kári steig inn í ástandið eins og okkar eigin persónulegi Stjáni blái eftir þriðju dósina af spínati og hjálpaði okkur að redda málunum.

En hvað uppskar hann fyrir vikið? Vanþakklæti og tilætlunarsemi. Kára fokking Stefáns var treystandi fyrir að taka því óréttlæti ekki þegjandi og hljóðalaust. Svarthöfði ber endalausa virðingu fyrir honum og ættum við öll að gera það. Ekki það að Svarthöfði þurfi eitthvað að verja hann, Kári er til þess fullfær sjálfur. Hann kallaði heilbrigðisráðherra hrokafullt barn og sagðist hafa lokað á Þórólf, eitt af þremur óskabörnum þjóðarinnar um þessar mundir. Til þess þarf hugrekki og staðfestu. Enda hafði hann engar þakkir fengið fyrir framlag fyrirtækis síns og þar að auki var bara gengið út frá því að hann ætlaði að aðstoða við skimanir á Keflavíkurflugvelli. Án þess einu sinni að spyrja hann. Talandi um að grípa höndina þegar litli fingur er réttur.

Núna ætlar Svarthöfði fastlega að gera ráð fyrir því að auðmjúkur heilbrigðisráðherra bugti sig og beygi fyrir ofurmenninu Kára, biðjist afsökunar og þakki fyrir sig. Því okkur er flestum kennt frá blautu barnsbeini að þakka fyrir okkur. En kannski vildi heilbrigðisráðherra eigna hinu opinbera allan heiðurinn af þeim árangri sem hefur náðst í þessari baráttu? Hún mun hins vegar hugsa sig um tvisvar áður en hún tekur Kára fokking Stefánssyni sem sjálfsögðum hlut

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 3 klukkutímum

Flugskólar sameinast í einn þann öflugasta á Norðurlöndum

Flugskólar sameinast í einn þann öflugasta á Norðurlöndum
Fréttir
Fyrir 4 klukkutímum

„Miklu verra að segjast vera hægri sinnaður heldur en hommi“

„Miklu verra að segjast vera hægri sinnaður heldur en hommi“
Eyjan
Fyrir 5 klukkutímum

Bergþór kallar Sigurborgu „freku konuna“

Bergþór kallar Sigurborgu „freku konuna“
433Sport
Fyrir 5 klukkutímum

Rúrik var ítrekað beðinn um að gefa sæði – ,,Já góðan daginn hérna værir þú nokkuð til í að barna mig?“

Rúrik var ítrekað beðinn um að gefa sæði – ,,Já góðan daginn hérna værir þú nokkuð til í að barna mig?“
Fréttir
Fyrir 6 klukkutímum

Flatus fær áfram að lifa

Flatus fær áfram að lifa
Fyrir 6 klukkutímum

Flott veiðiá og fiskurinn að koma

Flott veiðiá og fiskurinn að koma
Fyrir 7 klukkutímum

Tuttugasta árið hjá stórsöngvaranum í Veiðivötnum

Tuttugasta árið hjá stórsöngvaranum í Veiðivötnum
433Sport
Fyrir 7 klukkutímum

Útskýrir af hverju Haaland var fjarlægður – Of vinsæll

Útskýrir af hverju Haaland var fjarlægður – Of vinsæll