fbpx
Þriðjudagur 07.júlí 2020

Þið eruð bölvaðir plebbar!

Svarthöfði
Sunnudaginn 24. maí 2020 11:30

Ekki missa af Helstu tíðindum dagsins í pósthólfið þitt

Lesa nánar

Hvað er að frétta?“ hugsaði Svarthöfði í síðustu viku þegar Ekki-Júrógleðin svonefnda hófst á RÚV. Hvers konar gúrkutíð er í gangi í samfélaginu okkar þegar við erum farin að halda upp á að það sé ekki Eurovision-keppni?

Þarna fékk þjóðin að kjósa um hvaða lag hefði fengið 12 stig frá Íslandi, hefði Eurovision-keppnin verið haldin, og að sjálfsögðu var rukkað fyrir hvert atkvæði. Þetta hlýtur að vera nýtt met í plebbaskap.

Til að kóróna þetta allt grenjuðu landsmenn sig svo í svefn, því Daði okkar og Gagnamagnið unnu viðlíka plebbakeppni á öðrum Norðurlöndum.

Um ókomna tíð verður 2020 minnst sem ársins þar sem Ísland hefði átt að vinna Eurovision. Enginn mun sannfæra okkur um neitt annað. Ætli RÚV fari að gera þetta með fleiri hluti? „Hringdu inn þitt atkvæði til að kjósa um hvern þú hefðir kosið ef það væru Alþingiskosningar í dag.“ „Hringdu inn þitt atkvæði um hver hefði átt að fara heim í nýjasta þættinum af Bachelor.“ „Hringdu inn þitt atkvæði ef þú vilt styrkja ríkisrekinn fjölmiðil um 150 krónur af því bara.“ Svarthöfði gæti vel hugsað sér að eigna sér álíka gullgæs: „Hringdu inn þitt atkvæði um hvaða skyndibita Svarthöfði ætti að fá sér, ef hann væri svangur.“

Annar plebbaskapur var biðröðin fyrir utan sundlaugarnar þegar klukkan sló miðnætti þann 18. maí. Frábær hugmynd, Íslendingar. Troðið ykkur í smithættu í þéttri biðröð til að troða ykkur saman í sameiginlegar sturtur og sameiginlegt sýklabað.

Eru til lyf við svona vitleysu? Það getur ekki verið svona nauðsynlegt að fara í sund, að fórna megi þar heilsu samfélagsins fyrir að liggja í klórmettuðu bleyti í hálftíma, er fólk ekki almennt með baðkar eða sturtu heima hjá sér? Það er eina skýringin sem Svarthöfði gæti sætt sig við, ef þessir plebbar í sundröðinni höfðu beðið í tvo mánuði eftir alþrifum.

Svo verða líkamsræktarstöðvarnar opnaðar eftir helgi og Svarthöfði getur rétt ímyndað sér maníuna sem mun eiga sér stað þar. Sem er sjúklega fyndið því áður en samkomubannið var hert í það form sem það hefur verið undanfarið og Covid-19 rétt byrjað, mátti varla sjá hræðu í ræktinni því allir voru að tapa sér úr hræðslu.

Núna hins vegar, í nánast sambærilegu samkomubanni, því það er jú enn samkomubann, þá eru allir bara svo sjúklega graðir í gamla lífið sitt að þeir eru tilbúnir að nánast hanga á hestbaki á næsta manni í þéttri röð til að lyfta lóðum upp úr svita annarra.

Getum við ekki bara fokkin tjillað og haldið áfram að hamast með ketilbjöllurnar og jógadýnurnar sem við hömstruðum hérna í upphafi samkomubannsins, aðeins lengur? Svona áður en við dröslum þeim í Góða hirðinn og höldum áfram að slefa í hnakkann á næsta manni.

Ekki vera plebbi!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

433
Fyrir 2 klukkutímum

Varar landa sinn við Arsenal: ,,Mæli ekki með því að hann fari þangað“

Varar landa sinn við Arsenal: ,,Mæli ekki með því að hann fari þangað“
Fyrir 2 klukkutímum

Verð á ánamaðki komið yfir 200 kall

Verð á ánamaðki komið yfir 200 kall
Fréttir
Fyrir 3 klukkutímum

Byko verðlaunar starfsfólk sitt fyrir framgöngu þess í heimsfaraldrinum

Byko verðlaunar starfsfólk sitt fyrir framgöngu þess í heimsfaraldrinum
Pressan
Fyrir 4 klukkutímum

5.433 hafa látist af völdum COVID-19 í Svíþjóð – Búa sig undir aðra bylgju

5.433 hafa látist af völdum COVID-19 í Svíþjóð – Búa sig undir aðra bylgju
Pressan
Fyrir 5 klukkutímum

Segir þetta vera ástæðuna fyrir reiði Kim Jong-un

Segir þetta vera ástæðuna fyrir reiði Kim Jong-un
433
Fyrir 14 klukkutímum

Valur óstöðvandi – Þróttur vann sinn fyrsta sigur

Valur óstöðvandi – Þróttur vann sinn fyrsta sigur
433
Fyrir 14 klukkutímum

Sjálfsmark tryggði Tottenham stigin þrjú

Sjálfsmark tryggði Tottenham stigin þrjú
433Sport
Fyrir 16 klukkutímum

Sarri rífst bara við einn leikmann – ,,Ég veit ekki af hverju það er“

Sarri rífst bara við einn leikmann – ,,Ég veit ekki af hverju það er“
Fókus
Fyrir 16 klukkutímum

Brúnkuslys íslenskra kvenna – „Var eins og Hulk í nokkra daga“

Brúnkuslys íslenskra kvenna – „Var eins og Hulk í nokkra daga“