Eddie Howe, knattspyrnustjóri Newcastle United, neitaði að tjá sig um fregnir þess efnis að Bayern Munich hafi hafið viðræður um kaup á Anthony Gordon.
Samkvæmt Sky Sports News hefur þýska stórliðið sýnt vængmanninum áhuga og haft samband, en Newcastle er sagt tilbúið að hlusta á tilboð þar sem Gordon gæti viljað skoða möguleika sína.
Howe vildi þó ekki fara nánar út í málið á blaðamannafundi. „Nei, ekkert. Þetta er ekki eitthvað sem ég kem að,“ sagði hann.
Hann var þó spurður hvort Gordon væri fullkomlega skuldbundinn félaginu, en Howe svaraði því játandi.
„Hann væri ekki í hópnum ef svo væri ekki. Ég met það út frá samskiptum mínum við leikmanninn og því sem ég sé á æfingum,“ sagði Howe.
Newcastle á þrjá leiki eftir á tímabilinu, þar sem liðið mætir Nottingham Forest, West Ham og Fulham.
Howe lagði áherslu á að einbeitingin væri á lokasprett tímabilsins en ekki óvissa sumarsins.
„Það þýðir ekkert að horfa of langt fram í tímann. Við viljum enda tímabilið á sterkum nótum,“ sagði hann.
