Ekkert foreldri barns á leikskólanum Múlaborg hefur óskað eftir flutningi úr skólanum eftir að upp komst um meint kynferðisbrot starfsmanns skólans gagnvart fleiri en einu barni á leikskólanum.

Þetta kemur fram í frétt RÚV sem byggist á svari Reykjavíkurborgar við fyrirspurn fréttastofunnar.

Alls dvelja 128 börn í leikskólanum í sjö deildum en í áðurnefndri frétt kemur fram að starfsmannahópurinn standi þétt saman.

Hinn 22 ára gamli starfsmaður sem var handtekinn vegna málsins situr enn í gæsluvarðhaldi vegna málsins á meðan rannsókn lögreglu er í fullum gangi.