Utanríkisráðuneytið hefur sent frá sér tilkynningu á Facebook-síðu sinni vegna jarðskjálfta sem reið yfir Marokkó í gærkvöldi en á sjöunda hundrað eru látin af völdum skjálftans. Borgaraþjónusta ráðuneytisins biður alla Íslendinga sem kunna að vera staddir í Marokkó um að láta vita af sér. Tilkynningin hljóðar svo:
„Borgaraþjónusta utanríkisráðuneytisins hvetur Íslendinga í Marokkó til að láta vita af sér á samfélagsmiðlum eða hafa samband við aðstandendur ef þeir eru öruggir en hafa samband við neyðarnúmer borgaraþjónustu í síma +354 545-0-112 ef aðstoðar er þörf. Virðið lokanir og tilmæli yfirvalda og fylgist með staðbundnum fjölmiðlum.“