Samningar náðust seint í gærkvöldi. Í þeim felst að ný og fullkomin vopn verða keypt fyrir herinn en með þessu munu Þjóðverjar ná því markmiði NATÓ að aðildarríkin verji sem nemur tveimur prósentum af vergri landsframleiðslu til varnarmála.
Þremur dögum eftir að Rússar réðust inn í Úkraínu tilkynnti Olaf Scholz, kanslari, að ríkisstjórnin vildi auka útgjöld til varnarmála um 100 milljarða evra. Nú hafa samningar loks náðst um það markmið. Þeir þýða að Þjóðverjar munu að meðaltali á margra ára tímabili verja meira en tveimur prósentum af vergri þjóðarframleiðslu sinni til varnarmála
Scholz hefur verið sakaður um að vera ragur í stuðningnum við Úkraínu og einnig hefur hann verið sakaður um að gera ekki nóg til að útvega Úkraínumönnum vopn.
En nú verður 100 milljörðum evra dælt í herinn. Þessi peningar verði teknir að láni.
Frá lokum kalda stríðsins hafa Þjóðverjar fækkað umtalsvert í her sínum, eða úr 500.000 hermönnum í 200.000. Tæplega 30% af herskipaflota landsins er „að fullu starfhæfur“ eftir því sem segir í skýrslu, sem var gefin út í desember, um stöðu mála hjá hernum.
Þess utan eru margar herflugvélar óflughæfar.
