Það vakti athygli þegar rússnesku geimfararnir Oleg Artemyev, Denis Matveyev og Sergey Korsakov, lentu í Alþjóðlegu geimstöðinni síðastliðinn föstudag, íklæddir Úkraínsku fánalitunum, gulu og bláu. Í stöðinni biðu tveir aðrir Rússar, fjórir Bandaríkjamenn og Þjóðverji, sem allir tóku eftir litasamsetningunni.

Rússnesk geimferðaryfirvöld hafa aftur á móti alfarið hafnað þeirri kenningu að með litunum séu geimfararnir að sýna Úkraínu stuðning. Í yfirlýsingu sem stofnunin birti segir að ,,það séu engin falin skilaboð í búningunum.“ Ennfremur segir: ,,Litur er bara litur. Litirnir hafa engin tengsl við Úkraínu. Ef svo væri þyrftum við að líta á gula sól á bláum himni sem einhvers kona yfirlýsingu.  Jafnvel úti í geimi stöndum við sameinaðir með forseta vorum og þjóð“.

Geimfarinn Oleg Artemyev sagði í myndsímaviðtali í gær að teymið hefði valið litina fyrir hálfu ári og væri um að ræða einkennisliti Bauman Tækniháskólans í Moskvu, þaðan sem þeir allir útskrifuðust.  Upphaflega sagan að baki litavalsins var þó aðeins önnur. Þegar Artemyev var spurður af Bandaríkjamönnunum og Þjóðverjanum um litavalið við komuna sagði Artemyev ástæðuna einfaldlega þá að of mikið gult efni hefði verið til og þeir félagar beðnir um að losa lagerinn.

Margir hafa talið að áratugalöng friðsamlega geimferðasamvinna Rússa við aðrar þjóðir muni hverfa í kjölfar árásarinnar á Úkraínu. Dmitry Rogozin, yfirmaður geimferðarstofnunarinnar Roscosmos, hefur sagt Bandaríkjamenn muni þurfa að fljúga á ,,kústum“ án samvinnu við Rússa.

Bil Nelson, stjórnandi bandarísku geimferðarstofnunarinnar NASA, sagðist í samtali við The Guardian að hann hefði ekki miklar áhyggjur. ,,Þetta er bara Dmitry Rogozin. He blæs reglulega út. En þegar upp er staðið vinnur hann alltaf með okkur. Þeir borgarar sem starfa innan geimferðastofnunarinnar eru fagfólk. Þarna uppi erum við samstarfsfólk, við erum öll vinir í geimnum.“