fbpx
Þriðjudagur 26.janúar 2021
Fréttir

Ekki bara ferðaþjónustan sem fer illa út úr heimsfaraldrinum

Kristján Kristjánsson
Föstudaginn 4. desember 2020 07:50

Ferðamenn í Leifsstöð. Myndin tengist ekki fréttinni beint. Mynd -Fréttablaðið/Anton Brink

Ekki missa af Helstu tíðindum dagsins í pósthólfið þitt

Lesa nánar

Konráð S. Guðjónsson, aðstoðarframkvæmdastjóri Viðskiptaráðs, segir að stundum sé umræðan á þann veg að kórónukreppan nái aðeins til ferðaþjónustunnar og örfárra afmarkaðra atvinnugreina en eins og staðan sé núna virðist sem kórónukreppan og fjármálakreppan hafi haft álíka slæm og víðtæk áhrif á umsvif annarra atvinnugreina en ferðaþjónustu og fjármálageirans.

Þetta kemur fram í Fréttablaðinu í dag. Fram kemur að áhrif kórónukreppunnar sjáist í tölum um fjölda starfa en störfum hefur aðeins fjölgað í einni atvinnugrein, annarri en hjá hinu opinbera, en það er í veitustarfsemi. Slík starfsemi gæti flokkast með hinu opinbera því flest veitufyrirtækin eru í opinberri eigu.

Haft er eftir Konráði að þrátt fyrir að orsakir og birtingarmyndir kórónukreppunnar og fjármálakreppunnar séu ólíkar þá séu áhrifin á hagkerfið að vissu leyti lík. Annars vegar sé sá fjöldi atvinnugreina sem upplifa samdrátt ekki svo frábrugðinn, hann er 40 nú en var 48 í fjármálakreppunni, og hins vegar er algengt að samdrátturinn hafi verið meiri en 20 prósent í báðum tilfellum.

Þá bendir Konráð á að óverulegur munur sé enn á heildarsamdrætti þá og nú í öðrum greinum en ferða- og fjármálaþjónustu. Hann er um átta prósent í báðum tilfellum. „Engu að síður eru að sumu leyti ólíkar atvinnugreinar sem upplifa nú samdrátt, en bæði þá og nú bitnar kreppan illa á meirihluta greina.“ Víðtæk áhrif kreppunnar þýða að sértæk hagstjórnarviðbrögð duga skammt ein og sér. „Ef tryggja á að atvinnulífið nái kröftugri viðspyrnu þegar bóluefni nær útbreiðslu þurfa aðgerðir og úrræði að virka þvert á atvinnugreinar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Strákarnir með góðan leik í naumu tapi gegn Frökkum

Strákarnir með góðan leik í naumu tapi gegn Frökkum
Fréttir
Fyrir 3 dögum

Reikningurinn hækkar hjá Ragnari sem keyrði á nágranna sinn – „Hann reyndi að drepa mig“

Reikningurinn hækkar hjá Ragnari sem keyrði á nágranna sinn – „Hann reyndi að drepa mig“