Mannanafnanefnd hefur hafnað því að færa karlmannsnafnið Lúsífer á mannanafnaskrá. Úrskurður um þetta féll þann 14. janúar síðastliðinn eftir að erindi barst nefndinni þann 12. desember.
Í lögum um mannanöfn þurfa ákveðin skilyrði að vera uppfyllt, til dæmis það að nafnið má ekki vera þannig að það geti orðið nafnbera til ama. Í niðurstöðu nefndarinnar segir:
„Þar sem nafnið Lúsífer (kk.) er eitt af nöfnum djöfulsins telur mannanafnanefnd ljóst að það geti orðið nafnbera til ama.“
Var beiðninni því hafnað.
Nefndin samþykki þó önnur nöfn eins og karlkynsnöfnin River, Ullur og Ivar og kvenmansnafnið Hrafnsunna.
