Lögreglan á höfuðborgarsvæðinu hafði nóg að gera í nótt. Í dagbók lögreglu kemur fram að 9 aðilar fengu að dúsa í fangageymslu frá half tíu til fimm í nótt.
Af þeim málum er greinir frá í dagbók lögreglu voru flest mál tengd afskiptum lögreglu af einstaklingum grunuðum um akstur undir áhrifum.
Einn aðili, er grunaður er um akstur undir áhrifum, hafði ekið á umferðaskilti og sat fastur í snjóskafli er lögreglu bar að garði.
Annar grunaður um akstur undir áhrifum var fyrst handtekinn um 01:00 í nótt, en var svo slept að lokinni sýnatöku. Skömmu síðar var hann aftur handtekinn á skemmtistað í miðbænum og er grunaður um að hafa þar ógnað fólki með hní. Þá fékk hann að sofa af sér í fangaklefa.
Þrír voru handteknir í Hafnarfirði í tengslum við líkamsárás.. Árásin var ekki alvarleg en fengu meintir gerendur þó að eyða nótinni í fangaklefa.
