„Hann er með lítinn feld og mun ekki lifa af aðra nótt,“ segir heimildarmaður DV um hvarf hundsins Höskuldar, sem ekki hefur sést til síðan í gær.
Eigandi Höskuldar, Emma Lovísa Fjeldsted, hefur beðið DV um að birta tilkynningu sína um hvarf Höskuldar, en hún er eðlilega mjög áhyggjufull. Emma skrifar:
„Höskuldur minn hefur ekki enn fundist. Það var leitað alveg framm undir morgun án árangurs. Hann hvarf frá Geirsnefi vegna þess að hann varð hræddur við hund sem reyndi að ná honum. Hann er alls ekki vanur að fara langt frá mér svo hann hefur verið mjög hræddur og er það eflaust enn. Hann sást seinast á hlaupum hjá stíflunni um sirka 20 í gærkvöldi. Viljiði please deila eins og vindurinn og koma þessu sem lengst í von um að prinsninn minn finnist.
Hann svarar nafninu sínu og flauti.
Er virkilega þakklát fyrir alla sem hafa hjálpað og finnst mér það alveg ómetanlegt og trúi ég því að með þessum styrk finnum við hann saman.“
https://www.facebook.com/permalink.php?story_fbid=10160186214247678&id=675832677