Íslenskar konur eignast sitt fyrsta barn þegar þær eru 28,9 ára gamlar. Þetta er á meðal þess lægsta sem gerist í Evrópu.
Þetta kemur fram í nýjum tölum Eurostat, tölfræðistofnunar Evrópusambandsins, um meðalaldurs mæðra sem eignast sitt fyrsta barn.
Ísland sker sig úr þegar kemur að ungum mæðrum í vesturhluta álfunnar og minnir í raun frekar á austurhlutann, þar sem konur eignast almennt börn yngri.
Á öllum hinum Norðurlöndunum eignast konur sitt fyrsta barn 30 ára eða eldri. Ítalskar mæður eru á toppnum, þær eru 31,9 ára þegar þeir eignast fyrsta barn. Aldurinn er einnig mjög hár í Grikklandi, Spáni, Portúgal og Írlandi.
Yngstu fyrstu mæðurnar eru í Búlgaríu, það er aðeins 26,9 ára. Þar á eftir koma aðrar Balkanþjóðir eins og Rúmenía, Albanía, Norður Makedónía og Tyrkland.
Meðalaldurinn er 29,9 ár í álfunni allri sem er mjög hátt á heimsvísu. Til samanburðar er meðalaldurinn í kringum 20 ár í flestum löndum Afríku, um 21 ár í latnesku Ameríku og um 23 ár í suðaustur Asíu. Hvergi er aldurinn þó hærri en í Suður Kóreu, það er 32,2 ár.
