Lögreglan á höfuðborgarsvæðinu handtók mann í gærkvöldi eftir að tilkynning barst um að konu hefði verið hrint fram af svölum í Breiðholti.
Tilkynning um málið barst lögreglu rétt fyrir klukkan 21 í gærkvöldi og var konan flutt alvarlega slösuð á sjúkrahús, samkvæmt upplýsingum frá lögreglu. Sakborningur var handtekinn á vettvangi og hann vistaður í fangageymslu. Málið er í rannsókn.
Í frétt Fréttablaðsins í gærkvöldi sögðu vitni að maðurinn hefði hrint konunni niður af svölunum á steyptar tröppur. Þrír lögreglubílar og fjórir sjúkrabílar hafi verið sendir á staðinn.