Wolverhampton Wanderers er fallið úr ensku úrvalsdeildinni eftir að West Ham United gerði jafntefli við Crystal Palace.
Úrslitin þýða að Wolves á ekki lengur möguleika á að bjarga sér frá falli, þrátt fyrir að fimm umferðir séu enn eftir af tímabilinu. Liðið hefur átt erfitt uppdráttar í vetur og setið lengi í fallsæti.
Jafnteflið hjá West Ham tryggði þeim mikilvægt stig í fallbaráttunni en um leið var ljóst að Wolves nær ekki að brúa bilið upp í öruggt sæti.
Þetta er mikið áfall fyrir félagið sem hefur verið fastagestur í efstu deild undanfarin ár.
Wolves mun því leika í Championship-deildinni á næsta tímabili eftir erfiða leiktíð og Burnley mun án nokkurs vafa fylgja þeim niður, óvíst er hins vegar hvert þriðja liðið verður. Tottenham, West Ham og fleiri lið berjast þar.
