Þórarinn Ævarsson, sem var framkvæmdastjóri IKEA á Íslandi í þrettán ár, hefur í hyggju að opna veitingastað á höfuðborgarsvæðinu á næstunni. Mikil leynd hvílir yfir veitingastaðnum en stuttu eftir að Þórarinn sagði skilið við IKEA fóru af stað flökkusögur um að hann og Sigmar Vilhjálmsson ætluðu í veitingarekstur saman. Sigmar tilkynnti nýverið opnun veitingastaðarins Barion í Mosfellsbæ. Því er ólíklegt að Þórarinn og Sigmar stingi saman nefjum yfir eldavélinni sem leiðir af sér að DV mun ekki birta nektarmyndir af Þórarni, sem lofaði nokkrum slíkum ef þeir Sigmar færu saman í bisness.
