Gildir 1. – 7. mars
Hrútur
21. mars–19. apríl
Þú hefur borið með þér mikla gremju og eftirsjá undanfarnar vikur og gerir þér loksins fyllilega grein fyrir því. Þú tekur sjálfa/n þig í gegn og ferð vel yfir farinn veg. Það mun gera þér mjög gott. En mundu, þú þarft líka að skoða það sem býr undir yfirborðinu og horfast í augu við sjálfa/n þig.
Naut
20. apríl–20. maí
Félagslífið er aðalmálið hjá þér þessa dagana. Þú ert nýbúin/n að vera í svakalegum gleðskap og annar á döfinni, jafnvel nokkrir. Einn af þessum viðburðum tengist vinnunni en í þessum gleðskap áttu eftir að kynnast hóp af fólki í tæknigeiranum sem mun opna augu þín fyrir ýmsum möguleikum.
Tvíburar
21. maí–21. júní
Það hefur mikið verið að gerjast í höfðinu á þér og fátt af því gott. Þú verður að skilja við það neikvæða og taka á móti því jákvæða. Hefja nýjan kafla. Nýi kaflinn, hvenær sem þú opnar hann, mun fela í sér mikla sköpun og jafnvel að þú skiptir um starfsvettvang.
Krabbi
22. júní–22. júlí
Þú veist ekki alveg hvernig þú átt að haga þér þessa dagana og ert í ákveðinni tilvistarkreppu. Ekki hafa áhyggjur – það kemur fyrir alla að efast um eigin tilvist og sinn stað í veröldinni. Það gerir þig stressaða/n að hugsa um framtíðina en þú þarft að gera það. Þú þarft að spyrja hvað þú viljir gera í framhaldinu.
Ljón
23. júlí–22. ágúst
Þú þarft ekki að burðast með allar heimsins byrðar á herðum þínum og leysa öll vandamálin þín ein. Leitaðu til vina þinna með stórt vandamál sem hefur valdið þér miklu hugarangri en lausnin á því mun breyta lífi þínu til frambúðar. Leyfðu þér að gráta á öxlum vina þinna og hlustaðu á þá.
Meyja
23. ágúst–22 .sept
Alls konar sambönd eru í brennidepli núna hjá meyjunni. Varðandi sum þeirra þá veltir þú fyrir þér hvort ákveðnir aðilar séu góðir fyrir þig og bæti líf þitt. Varðandi aðrar manneskjur í lífi þínu þarft þú kannski að gefa þér meiri tíma til að yrkja þau sambönd sem veita þér mikla lífsfyllingu.
Vog
23. sept–22. okt
Þú elskar rútínu en þér finnst erfiðara þessa dagana að halda þig við hana. Það veldur þér smá kvíða en ekki gera úlfalda úr mýflugu. Einbeittu þér að því að halda þessum rútínum og settu allan þinn fókus á það. Áður en þú veist af verður þú komin/n í sama farið, full/ur af gleði.
Sporðdreki
23. okt–21. nóv
Þig vantar innblástur og finnur hann ekki neins staðar. Hins vegar er skemmtileg ferð í vændum sem mun gefa þér ofboðslega góða innspýtingu í lífið og tilveruna. Þú verður samt að vera þolinmóð/ur varðandi þessa ferð því hún er ekki beint á næsta leiti. En hún er biðarinnar virði.
Bogmaður
22. nóv–21. des
Fjölskyldan og þinn innri hringur er aðalmálið einmitt núna. Ef það hefur verið einhver misskilningur eða átök innan fjölskyldunnar þá leggur þú mikið á þig að laga það og bregða þér í hlutverk sáttasemjara. Þetta verður góð vika fyrir bogmenn, vika sem þú munt muna að eilífu.
Steingeit
22. des–19. janúar
Eitthvað hefur gerst innan fjölskyldu þinnar sem veldur þér miklum ama. Þú gerir þitt besta til að greiða úr þessum vanda, sem virðist á yfirborðinu vera einfaldur úrlausnar, jafnvel hlægilegur, en allt kemur fyrir ekki. Þú þarft að taka smá fjarlægð frá vandamálinu og hugsa um þig sjálfa/n í smá stund.
Vatnsberi
20. janúar–18. febrúar
Þú verður að passa fjárhaginn elsku vatnsberinn minn. Þú hefur verið að eyða umfram efni og ert búin/n að missa sjónar á bókhaldinu. Þér finnst þú þurfa að eyða peningum í ýmsa hluti en er það virkilega svo? Svaraðu nú þessari spurningu af hreinskilni.
Fiskar
19. febrúar–20. mars
Þú ert ekki mikill blaðrari heldur frekar þögull hugsuður. Sá eiginleiki mun koma sér vel í vikunni þar sem manneskja verður á vegi þínum sem kann að meta þennan eiginleika í þínu fari. Þessi manneskja mun ná að virkja þig til góðra verka í framtíðinni og er þetta upphaf að góðu og gjöfulu samstarfi.
1. mars – Árni Johnsen stjórnmálamaður, 76 ára
2. mars – Guðmundur Óskar Guðmundsson bassaleikari, 33 ára
3. mars – Ólafur Darri Ólafsson leikari, 47 ára
4. mars – Otto Tynes þúsundþjalasmiður, 50 ára
5. mars – Gunnar Örn Tynes tónlistarmaður, 41 árs
6. mars – Bára Magnúsdóttir dansari, 73 ára
7. mars – Hlín Einarsdóttir fjölmiðlakona, 43 ára
