fbpx
Fimmtudagur 21.janúar 2021

Stjörnuspá vikunnar: Ýktar andstæður einkenna ástarlíf þitt

Ritstjórn Bleikt
Sunnudaginn 26. janúar 2020 20:30

Ekki missa af Helstu tíðindum dagsins í pósthólfið þitt

Lesa nánar

Stjörnuspá vikunnar

Gildir 26. janúar – 1. febrúar

stjornuspa

Hrútur
21. mars–19. apríl

Nú þarftu aðeins að staldra við, líta yfir alla lausu endana í lífinu þínu og reyna að hnýta sem flesta sem fyrst. Það eykur á streitu að hafa alls kyns útistandandi verkefni og áskoranir sem öskra á þig þegar þú reynir að slaka á. Láttu þér þetta að kenningu verða og ekki missa slíka stjórn á lífinu aftur í bráð.

stjornuspa

Naut
20. apríl–20. maí

Þú hefur miklar áhyggjur af því að innra með þér ríki ekki nægur metnaður fyrir árið 2020. Þú getur verið alveg slök/slakur yfir því þar sem brátt mun nýtt verkefni í vinnunni blása í þig nýju lífi og þú fyllist af drifkrafti og sköpunargáfu. Þú munt klífa metorðastigann ansi hratt á næstu viku. Ekki láta velgengni stíga þér til höfuðs.

stjornuspa

Tvíburar
21. maí–21. júní

Þú hefur verið í dvala undanfarinn mánuð og þér fallast oft hendur yfir minnstu verkefnum. Nú vaknar þú hins vegar aftur til lífsins og finnst þú hafa heiminn í höndum þér. Það gengur allt upp og þú setur þér ný og metnaðarfull markmið sem gefa þér mikla lífsánægju. Þú ert á grænni grein og munt verða það áfram.

stjornuspa

Krabbi
22. júní–22. júlí

Ýktar andstæður einkenna ástarlíf þitt líf næstu vikurnar. Eina stundina þráir þú ofurmikla nánd og tilfinningasemi en þá næstu grípur dýrseðlið þig og þig langar bara að fá öllum þínum frumhvötum svalað. Lofaðir krabbar ættu að upplýsa makann um þessar sveiflur á meðan einhleypir krabbar ættu að nýta tækifærið og sleppa fram af sér beislinu.

stjornuspa

Ljón
23. júlí–22. ágúst

Þú ert einfari að eðlisfari þótt þú njótir þess að vera í stórum mannfögnuðum, umkringd/ur vinum og kunningjum. Þér finnst þú vera föst/fastur í núverandi sambandi þótt það sé engin sérstök ástæða fyrir því. Þú ert ekki búin/n að finna þá sönnu hamingju sem þig dreymdi um og finnst eins og lífið þjóti hjá. Gríptu í taumana og gerðu eitthvað í því. Hlustaðu á innsæið.

stjornuspa

Meyja
23. ágúst–22 .sept

Þú settir þér háleit heilsumarkmið fyrir þetta ár en gafst einnig rými fyrir slaka. Loksins ertu búin/n að læra inn á þig sjálfa/n og hendir samviskubitinu út um gluggann. Þú stendur þig vel í að huga betur að heilsunni og finnur nýjar leiðir til að hugleiða og hreyfa þig. Þú finnur fyrir nýjum krafti og finnst þú geta tekist á við hvað sem er. Heimurinn er þinn.

stjornuspa

Vog
23. sept–22. okt

Þú hefur fundið fyrir nýrri orku í svefnherberginu undanfarið og vegna þessa krafts hefur þú afar góð áhrif á fólkið í kringum þig. Þú kynnist nýju fólki innan skamms sem mun leiða þig í átt að spennandi tækifærum. Ekki hafa áhyggjur af því að vera of stórtæk/ur fyrir samtímann – þetta nýja fólk kann að meta það.

stjornuspa

Sporðdreki
23. okt–21. nóv

Þig grípur fönduræði og mikil framtakssemi. Þú rifjar upp gamla takta í eldamennsku frá fjarlægum löndum og klárar loksins verkefni sem hefur setið á hakanum. Þú skalt vara þig á einstaklingi sem gefur sig á tal við þig innan skamms. Þessi einstaklingur er með stóra drauma sem virðast of góðir til að vera sannir og það gæti bitnað illa á þér.

stjornuspa

Bogmaður
22. nóv–21. des

Það rignir yfir þig alls kyns tækifærum og þú veltir alvarlega fyrir þér að flytja til nýs lands, lands sem þú þekkir lítið sem ekkert. Þetta er eitthvað sem þú skalt hugleiða alvarlega og virkja alla þá miklu orku sem þú býrð yfir til góðra verka. Framtíðin er svo björt ef þú bara leyfir þér að dreyma.

stjornuspa

Steingeit
22. des–19. janúar

Þú þráir fjárhagslegan stöðugleika á þessu ári, sem og stöðugleika á öðrum sviðum. Fólkið í kringum þig tekur ekki vel í þessi stórtæku plön þín og það fer í taugarnar á þér. En haltu þínu striki og smitaðu út frá þér hyggjuvitinu sem aðeins þú býrð yfir og aðrir öfunda þig af. Þú hefur sannfæringarkraft sem getur flutt fjöll.

stjornuspa

Vatnsberi
20. janúar–18. febrúar

Þú ert í góðri pásu frá áhyggjum og hugsar mikið um þig sjálfa/n. Miklar breytingar eru í vændum í þínu lífi en þær eru ekki þær sem þú sást fyrir heldur koma þér á óvart. Þér líst ekkert á þetta rót allt saman en þegar upp er staðið verður þetta þér aðeins til góðs. Vittu til og hættu efasemdarrausi.

stjornuspa

Fiskar
19. febrúar–20. mars

Þú ert í miklu slökunartímabili um þessar mundir og leyfir sjálfri/sjálfum þér að bara vera. Það er ansi ljúft og það er svo merkilegt að þegar að ró kemst á huga og hjarta þá fylgir framtakssemin með. Ólíkt fyrri slökunartímabilum ákveður þú að grafa dýpra, leita til fagfólks og virkilega vinna í sjálfri/sjálfum þér. Flott hjá þér!

Afmælisbörn vikunnar

26. janúar – Bjarni Benediktsson fjármálaráðherra, 50 ára
27. janúar – Haukur Viðar Alfreðsson þúsundþjalasmiður, 40 ára
28. janúar – Laufey Elíasdóttir leikkona, 41 árs
29. janúar – Friðrika Hjördís Geirsdóttir (Rikka) fjölmiðlakona, 42 ára
30. janúar – Halla Koppel leikkona, 38 ára
31. janúar – Marín Manda Magnúsdóttir fjölmiðlakona, 41 árs
1. febrúar – Lára Björg Björnsdóttir, fyrrverandi upplýsingafulltrúi ríkisstjórnarinnar, 43 ára

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Nú þurfa Íslendingar að hafa tvær áskriftir til að sjá Meistaradeildina – Úrslitaleikurinn á Viaplay

Nú þurfa Íslendingar að hafa tvær áskriftir til að sjá Meistaradeildina – Úrslitaleikurinn á Viaplay
Fréttir
Fyrir 4 klukkutímum

Þungt hljóð í mönnum vegna lekans í HÍ – Starfsemin verður lömuð mánuðum saman

Þungt hljóð í mönnum vegna lekans í HÍ – Starfsemin verður lömuð mánuðum saman
433Sport
Fyrir 5 klukkutímum

Þetta eru leikirnir sem Lampard fær til að bjarga starfinu

Þetta eru leikirnir sem Lampard fær til að bjarga starfinu
Eyjan
Fyrir 5 klukkutímum

Mikil þensla hjá ráðuneytunum – Mikil útgjaldahækkun

Mikil þensla hjá ráðuneytunum – Mikil útgjaldahækkun
433Sport
Fyrir 14 klukkutímum

Spænski bikarinn: Niðurlæging Real Madrid algjör er liðið tapaði gegn C-deildar liði

Spænski bikarinn: Niðurlæging Real Madrid algjör er liðið tapaði gegn C-deildar liði
433Sport
Fyrir 15 klukkutímum

Pogba reyndist hetja Manchester United sem komst aftur á toppinn

Pogba reyndist hetja Manchester United sem komst aftur á toppinn
433Sport
Fyrir 16 klukkutímum

Gósentíð hjá stuðningsmannarásum á Youtube – Auglýsingatekjur nema hundruðum milljóna

Gósentíð hjá stuðningsmannarásum á Youtube – Auglýsingatekjur nema hundruðum milljóna
433Sport
Fyrir 16 klukkutímum

Jón Daði byrjaði í mikilvægum sigri Millwall

Jón Daði byrjaði í mikilvægum sigri Millwall

Tarot Spil

Veldu þér spil og sjáðu spádóm þinn.