fbpx
Miðvikudagur 28.október 2020

Nú er kominn tími á páskaþrifin – Lausnir fyrir letingja

Ritstjórn Bleikt
Mánudaginn 15. apríl 2019 11:00

Ertu löt/latur? Lestu þá þetta!

Ekki missa af Helstu tíðindum dagsins í pósthólfið þitt

Lesa nánar

Við getum volað yfir því sí og æ að okkur gefist enginn tími til að þrífa. Það er ef til vill nær sannleikanum að þegar tíminn gefst nennum við því einfaldlega ekki.

Þessi ráð eru einmitt tileinkuð okkur letingjunum sem langar ekki að fórna þeim dýrmætum klukkustundum sem fara í þrifin. Kannski fær þetta okkur til að fórna í það minnsta nokkrum mínútum.

Kattahárin úr sófanum

Ef gestirnir eru við það að hringja bjöllunni og þú hefur ekki enn tekið upp ryksuguna og hamast við að ná kattahárunum úr sófanum – eða hvaða stað sem kettinum þykir ákjósanlegt bæli – skaltu grípa í gúmmíhanskana. Bleyttu þá örlítið og strjúktu yfir loðið yfirborð sófans og hárin loða við hanskana.

Burt með blettina

Glösin skilja eftir sig bletti á krómuðu yfirborði og margir leita örþrifaráða til að losna við þá – eða ekki. Lausnin er að minnsta kosti einföld og kostar þig ekki nema hálfa sítrónu. Þú nuddar henni einfaldlega eftir krómuðu yfirborðinu og sýran vinnur hratt og örugglega á blettunum.

Örbylgjuofninn

Örbylgjuofninn verður fljótt ógeðslegur og þó gestirnir séu ef til vill ekkert að gægjast inn í hann er kannski tími til kominn að hreinsa hann. Það er fljótgert ef þú notar þessa aðferð: Settu skál fulla af vatni og sítrónusneiðum inn í örbylgjuofninn og hitaðu þar til vatnið sýður. Þetta losar allt það sem situr fast innan í örbylgjuofninum og gerir þér auðvelt að þurrka það burtu með tusku.

Hillurnar í ísskápnum

Það eru vissar líkur á því að hillurnar í ísskápnum séu þegar orðnar óhreinar. Ef þú vilt forðast það að þurfa að skrúbba þær í framtíðinni skaltu leggja matarfilmu í hverja hillu – hún loðir við glerið. Næst þegar þér líst ekki á hreinlætið í ísskápnum getur þú einfaldlega fjarlægt filmuna og sett nýja í staðinn. Snilldin ein.

Nýttu uppþvottavélina betur

Það er ágætt að eiga uppþvottavél sem sér um að hreinsa leirtauið á meðan maður situr með fæturna upp í loft. En af hverju að stoppa þar? Þú getur sett ýmislegt annað í uppþvottavélina – svo lengi sem það bráðnar ekki við mjög háan hita. Barnaleikföng og gamlir strigaskór koma til dæmis skínandi fín út úr uppþvottavélinni.

Þessi ráð eru fengin úr grein sem birtist á Huffington Post.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Endalausar United sögur hafa áhrif á spilamennsku Sancho

Endalausar United sögur hafa áhrif á spilamennsku Sancho
433
Fyrir 4 klukkutímum

Seðill vikunnar: Sérfræðingur velur táknin fyrir þig – 90 milljónir í pottinum

Seðill vikunnar: Sérfræðingur velur táknin fyrir þig – 90 milljónir í pottinum
Fókus
Fyrir 5 klukkutímum

Fagnar að meðgangan sé hálfnuð með nektarmynd

Fagnar að meðgangan sé hálfnuð með nektarmynd
433Sport
Fyrir 5 klukkutímum

Mandela var að losna úr fangelsi og allt var sett á ís – Þorvaldur sat í klefanum með kostulegum Clough

Mandela var að losna úr fangelsi og allt var sett á ís – Þorvaldur sat í klefanum með kostulegum Clough
433Sport
Fyrir 7 klukkutímum

Fara ekki út úr húsi nema með lífverði eftir morðhótanir

Fara ekki út úr húsi nema með lífverði eftir morðhótanir
Fréttir
Fyrir 7 klukkutímum

Móðir Ólívers biður fólk um að sýna ekki dómhörku – „Aðgát skal höfð í nærveru sálar“

Móðir Ólívers biður fólk um að sýna ekki dómhörku – „Aðgát skal höfð í nærveru sálar“
Pressan
Fyrir 9 klukkutímum

WHO hvetur Evrópuríki til að herða baráttuna gegn kórónuveirunni

WHO hvetur Evrópuríki til að herða baráttuna gegn kórónuveirunni
Pressan
Fyrir 10 klukkutímum

Tom Hagen neitar að ræða við lögregluna

Tom Hagen neitar að ræða við lögregluna

Tarot Spil

Veldu þér spil og sjáðu spádóm þinn.